Kryetarja e Kuvendit takon Patriarkun e Aleksandrisë, Theodhori II.
Kryetarja e Kuvendit të Shqipërisë, Jozefina Topalli priti sot në takim personalitetin e lartë të Kishës Ortodokse, Patriarkun e Aleksandrisë, Theodhori II.
Vizita e Patriarkut të Aleksandrisë dhe gjithë Afrikës, Theodhori II, është cilësuar si historike pasi shënon vizitën e parë të këtij niveli në Shqipëri. Duke shprehur kënaqësinë për këtë vizitë Patriarku i Aleksandrisë bëri përgëzimet e tij për progresin e arritur nga Shqipëria. Ju përgëzoj për hapat e mëdha që Shqipëria ka bërë tha Primati i Kishës aleksandriane, dhe gjithashtu jam i lumtur që takohem me ju, pasi personaliteti juaj është tepër i njohur për veprimtarinë aktive në këto vite. Kryetarja e Kuvendit pasi u shpreh se ndihet e nderuar që pret në këtë vizitë të parë një personalitet kaq të lartë të Kishës Ortodokse, u ndal në marrëdhëniet mes besimeve fetare në Shqipëri. Kryetarja e Kuvendit theksoi se harmonia dhe toleranca mes feve në vendin tonë është një thesar i rrallë, që e ka shndërruar Shqipërinë në një vend model për të tjerët. Kjo harmoni është një aset i yni, tha ajo, dhe ne ndihemi krenarë për këtë vlerë të çmuar. Zonja Jozefina Topalli vlerësoi kontributin e Kishës ordodokse në Shqipëri dhe rolin e veçantë të Kryepeshkopit Anastas, jo vetëm për punën e tij në përçimin e vlerave humane, por edhe për bashkëpunimin e shkëlqyer me përfaqësuesit e besimeve të tjera fetare. Duke u ndalur në misionin e Patriarkut të Aleksandrisë në Afrikë, Kryetarja e Kuvendit e vlerësoi si një sfidë të jashtëzakonshme dhe e cilësoi historik kontributin e tij personal, por edhe të përfaqësuesve të Kishës ortodokse për ndihmën, mbështetjen dhe gjithë dashurinë që ata falin për popullin e Afrikës, vend i cili siç u shpreh edhe Patriarku i Aleksandrisë, po gjen rrugën e vet të zhvillimit. Shqipëria, tha Kryetarja e Kuvendit është bërë anëtare e Asamblesë së Mesdheut, gjë që na ka dhënë mundësinë të njihemi edhe me krerët e vendeve të Afrikës dhe të bashkëpunojmë proporcionalisht me njëri-tjetrin në sfidat e problemeve të politikës globale. Në këtë vizitë të tij Patriarku i Aleksandrisë, Theodhori II, shoqërohej nga Hirësia e Tij, Mitropoliti i Kampalës dhe Eksarku i gjithë Ugandës, Jonai, dhe nga Kryepeshkopi i Tiranës, Durrësit dhe i gjithë Shqipërisë Anastas Janullatos. Patriarku i Aleksandrisë la shënimin e tij në Librin e Shënimeve të Kuvendit të Shqipërisë dhe shprehu dëshirën për një vizitë të Kryetares së Kuvendit në Aleksandri.
Vizita e Patriarkut të Aleksandrisë dhe gjithë Afrikës, Theodhori II, është cilësuar si historike pasi shënon vizitën e parë të këtij niveli në Shqipëri. Duke shprehur kënaqësinë për këtë vizitë Patriarku i Aleksandrisë bëri përgëzimet e tij për progresin e arritur nga Shqipëria. Ju përgëzoj për hapat e mëdha që Shqipëria ka bërë tha Primati i Kishës aleksandriane, dhe gjithashtu jam i lumtur që takohem me ju, pasi personaliteti juaj është tepër i njohur për veprimtarinë aktive në këto vite. Kryetarja e Kuvendit pasi u shpreh se ndihet e nderuar që pret në këtë vizitë të parë një personalitet kaq të lartë të Kishës Ortodokse, u ndal në marrëdhëniet mes besimeve fetare në Shqipëri. Kryetarja e Kuvendit theksoi se harmonia dhe toleranca mes feve në vendin tonë është një thesar i rrallë, që e ka shndërruar Shqipërinë në një vend model për të tjerët. Kjo harmoni është një aset i yni, tha ajo, dhe ne ndihemi krenarë për këtë vlerë të çmuar. Zonja Jozefina Topalli vlerësoi kontributin e Kishës ordodokse në Shqipëri dhe rolin e veçantë të Kryepeshkopit Anastas, jo vetëm për punën e tij në përçimin e vlerave humane, por edhe për bashkëpunimin e shkëlqyer me përfaqësuesit e besimeve të tjera fetare. Duke u ndalur në misionin e Patriarkut të Aleksandrisë në Afrikë, Kryetarja e Kuvendit e vlerësoi si një sfidë të jashtëzakonshme dhe e cilësoi historik kontributin e tij personal, por edhe të përfaqësuesve të Kishës ortodokse për ndihmën, mbështetjen dhe gjithë dashurinë që ata falin për popullin e Afrikës, vend i cili siç u shpreh edhe Patriarku i Aleksandrisë, po gjen rrugën e vet të zhvillimit. Shqipëria, tha Kryetarja e Kuvendit është bërë anëtare e Asamblesë së Mesdheut, gjë që na ka dhënë mundësinë të njihemi edhe me krerët e vendeve të Afrikës dhe të bashkëpunojmë proporcionalisht me njëri-tjetrin në sfidat e problemeve të politikës globale. Në këtë vizitë të tij Patriarku i Aleksandrisë, Theodhori II, shoqërohej nga Hirësia e Tij, Mitropoliti i Kampalës dhe Eksarku i gjithë Ugandës, Jonai, dhe nga Kryepeshkopi i Tiranës, Durrësit dhe i gjithë Shqipërisë Anastas Janullatos. Patriarku i Aleksandrisë la shënimin e tij në Librin e Shënimeve të Kuvendit të Shqipërisë dhe shprehu dëshirën për një vizitë të Kryetares së Kuvendit në Aleksandri.