Kthimi i Majlinda Kelmendit

Qyteti i Pejës i ka bërë një pritje madhështore kampiones së botës, Majlinda Kelmendi.
Me dhjetëra njerëz ishin grumbulluar për të pritur xhudisten që është pikërisht qytetare e Pejës, po ashtu si trajneri i saj, Driton Kuka.
Kampionia 22-vjeçare deklaroi se ajo fitoi medaljen e artë pikërisht nga mbështetja e qytetit të saj të lindjes. Bashkë me Kelmendin, pejanët pritën edhe xhudisten tjetër, Nora Gjakova, që gjithashtu mori pjesë në kampionatin botëror në Brazil.