Ku po shkojne keta studente?

Universitetet per pak jave pritet qe te mbyllin fazen e pare te studimeve, per t'u perfshite ne sezonin e provime. Pavaresisht ketij fakti, ne anen tjeter vazhdojne te regjistrohen kandidatet, te cilet nuk munden te fitojne nje te drejte studimi atehere kur universitetet celen, ne tetor. E ndersa te perfundojne te gjitha procedurat e regjistrimit per studentet e fazes se fundit, do te jene vetem pak dite nga ky vit te cilat do iu japin statusin e studentit. Por si do te mund te hyjne ne provime keta studente, kur nuk kane marre pjese ne leksione, kur nuk kane marre pjese ne seminare, kur nuk kane plotesuar kriteret per te marre kreditit e nevojshme per t'u futur ne keto provime. Cfare cilesie kerkojne pedagoget dhe drejtuesit e universiteteve ne vend, kur studentet e tyre nisin studimet ne gjysmen e vitit akademik. Kjo nuk ka nevoje per asnje lloj komenti, pasi cfaredo qe te lexojne dhe studiojne keta studente, nuk mund te kene te njejtat njohuri si ata qe kane marre pjese ne debate dhe diskutime gjate oreve te leksioneve apo te seminareve. Nese nje student, i cili e ka marre kete titull ne fazen e katert te regjistrimeve, do te studioje ne dege te Ekonomikut apo Inxhinierise, edhe vete eshte i bindur qe vitin e pare do ta kete nje deshtim, pavaresisht vullnetit dhe deshires se tij. Edhe nese pas provimit ai do te justifikohet me faktin se ka filluar studime me vonese, askush nga stafi akademik nuk do ta marre kete per nje justifikim, sepse perpara provimit dhe notes, te gjithe jane te barabarte.

Sot, per ata qe do te regjistrohen ne keto universitete eshte nje dite me fat, sepse kane mundur te fitojne nje te drejte studimi, sepse kane fituar nje tjeter status, ate te qenit student. Por ditet e mevonshme, kur te shkelin auditoret e universiteteve, do te jene te veshtira. Do te ndihen te larguar nga ato dije qe ofrohen aty, nuk do te mund te kuptojne se per cfare jane aty. Por, ku do ta kerkojne ata te drejten e tyre, te drejten qe procedurat e regjistrimit te ishin pershpejtuar, qe te katerta fazat te kishin perfunduar ne muajin tetor. Askush nuk do te munde t'u jape atyre nje sqarim, i vetmi fakt qe do i ngushelloje eshte se edhe ata per tre apo me shume vjet, do te kene nje diplome ne xhep.