Batakoviç: Të mbrohet e “drejta e Serbisë mbi Kosovën”

Ai tha se çështja e paraqitur para Gjykatës është e një rëndësie jetike për shtetin e tij sepse, siç tha ai, 'Kosova është djep i Serbisë'.

Batakoviç kërkoi nga Gjykata, që “të vërë në vend drejtësinë” duke i dhënë të drejtën Serbisë mbi Kosovën. Batakoviç tha se për shkak të shkeljes së të drejtës ndërkombëtare Serbia ka vendosur që të ndërmarrë hapa kundër këtij vendimi joligjor, por vlerësoi se masat e ndërmarra ishin “paqësore dhe demokratike”.

Ai tha se Rezoluta 1244 parasheh që zgjidhja e statusit të Kosovës duhet të bëhet pas një procesi bisedimesh dhe me pajtimin e palëve.