"Kufirin tek thana vendoreve te cilet abuzojne me taksat"

Kryeministri Berisha deklaroi dje se qeveria ne asnje menyre nuk do te lejonte ngritjen e taksave per biznesin e vogel. Sipas Berishes, qeveria do te merrte menjehere masat per te mos lejuar qe nga pushteti vendor te mos abuzohej me ngritjen e taksave ne menyre te pajustifikuar. "Brenda 10 diteve, parlamenti do te nderhyje pa diskutim dhe do t'ua vendose kufirin tek thana. Eshte shume e lehte te urdherosh rritje taksash, por duhet te menduar se si e nxjerr biznesmeni i vogel kafshaten, se cfare djerse dhe mundi harxhon ai", deklaroi kryeministri Berisha gjate pjesemarrjes se tij ne Kuvendin e 9-te te PD Durres. Ai tha se politikat financiare te qeverise kane bere qe Shqiperia te mos jete pjese e krizes ekonomike dhe financiare qe ka kapur edhe vendet me te zhvilluara te botes. Sipas Berishes, bota sot po perjeton stuhine me te madhe te koherave. "Sot bota e zhvilluar po perjeton stuhine me te madhe te koherave, ajo po perjeton nje kolaps te plote financiar, perjeton nje krize financiare, si simoter te krizes financiare qe pesoi Shqiperia ne vitin 1997. Skemat piramidale dhe fondet e tyre, binin njera pas tjetres. Prodhimi boteror ka rene ne nivelet e 60 viteve me pare. Shqiperia shpallet dhe deklarohet si ekonomia me solide, se bashku me Azerbajxhanin", konfirmoi Berisha.