Kujtohet Kadri Roshi
Teatri Kombëtar ka zhvilluar një ceremoni përkujtimore në nderim të kolosit të skenës shqiptare, Kadri Roshit. Miq të afërm dhe koleg artistë kanë shprehur vlerësime për ikonën e skenës. Në kuadër të 5 vjetorit të ndarjes së tij nga jeta regjisori, Petrit Ruka ka realizuar një dokumentar dedikuar kontributit të tij në kinematografi dhe teatër. I biri i artistit, Kliti Roshi thotë se ai nuk ishte vetëm i atyre që e njihnin nga afër, ai ishte i gjithë Shqipërisë e i të gjithë shqiptarëve falë kontributit kolosal që dha në zhvillimin e teatrit e kinematografisë shqiptare.
Bibliografia
Kadri Roshi ka lindur më 4 janar 1924, në Mallakastër dhe vdiq më 6 shkurt 2007 në Tiranë. Studimet e larta i përfundoj në Pragë në vitin 1951. Ai, e filloi karrierën e tij si aktor në Teatrin Popullor në moshën 21-vjeçare duke qenë një ndër krijuesit e këtij teatri. Që nga ajo kohë dhe deri me sot ai numëron rreth 180 role në skenë dhe kinematografi, të cilat përbëjnë një jetë të madhe artistike, ku ndërthuren vështirësitë e një jete prej jetimi, çiraku, portieri kinemaje dhe deri tek aktori origjinal me portretin e njeriut të fisëm. Në krah ka patur gjatë gjithë kohës aktorët e brezit të tij Drita Pelingu, Violeta Manushi, Tinka Kurti, Reshat Arbana, Marika Kallamata.
Legjenda e skenës
Nga shumëkush është konsideruar si legjenda e skenës dhe ekranit shqiptar. Në vitin 1995 është nderuar me Çmimin e Karrierës në Festivalin e Filmit Artistik, në vitin 1997 me Çmimin e Madh të Nderit. Ai është "Nderi i Kombit" nga viti 1999. Emri i Kadri Roshit është një kolos për filmin dhe teatrin shqiptar, ku ai la figura të spikatura që nuk do të harrohen kurrë.
Bibliografia
Kadri Roshi ka lindur më 4 janar 1924, në Mallakastër dhe vdiq më 6 shkurt 2007 në Tiranë. Studimet e larta i përfundoj në Pragë në vitin 1951. Ai, e filloi karrierën e tij si aktor në Teatrin Popullor në moshën 21-vjeçare duke qenë një ndër krijuesit e këtij teatri. Që nga ajo kohë dhe deri me sot ai numëron rreth 180 role në skenë dhe kinematografi, të cilat përbëjnë një jetë të madhe artistike, ku ndërthuren vështirësitë e një jete prej jetimi, çiraku, portieri kinemaje dhe deri tek aktori origjinal me portretin e njeriut të fisëm. Në krah ka patur gjatë gjithë kohës aktorët e brezit të tij Drita Pelingu, Violeta Manushi, Tinka Kurti, Reshat Arbana, Marika Kallamata.
Legjenda e skenës
Nga shumëkush është konsideruar si legjenda e skenës dhe ekranit shqiptar. Në vitin 1995 është nderuar me Çmimin e Karrierës në Festivalin e Filmit Artistik, në vitin 1997 me Çmimin e Madh të Nderit. Ai është "Nderi i Kombit" nga viti 1999. Emri i Kadri Roshit është një kolos për filmin dhe teatrin shqiptar, ku ai la figura të spikatura që nuk do të harrohen kurrë.