Kule: Kampusi, presim vetem lejen e bashkise Luljeta Ndoka
Me nisjen e vitit te ri akademik, disa universitete, te cilat kane nje numer edhe me te larte studentesh duhet te perballen me mungese infrastrukture, stafi e orare te zgjatura te mesimdhenies deri ne oret e vona te mbremjes. Kjo situate do te jete me e theksuar ne universitetin e Tiranes, ku dhe numri i studenteve te rinj, ne nivelin Bachelor dhe ate Master shkon ne mbi 15 mije te rinj. Rektori i ketij universiteti, Dhori Kule, u shpreh dje se pritet vetem leja e bashkise, per fillimin e punimeve per kampusin universitar, si e vetmja zgjidhje per te perballuar fluksin e studenteve. Sipas tij, projekti dhe gjithcka tjeter eshte gati, por sigurimi i fondeve do te jete nje problem tjeter. Ndersa, mesohet se pa perfunduar plani urbanistik, teknikisht nuk mund te jepen leje ndertimi. Plani eshte ne fazen e fundit, ate te konsultimeve, ndaj pritet qe nuk do te kete vonesa. Sipas rektorit Kule, brenda nje trevjecari kampusi nese do te filloje te ndertohet do te jete gati per studentet. Megjithate, ai beri me dije se nga te ardhurat dytesore te universitetit me te madh ne vend, jane kursyer rreth 3 milione euro, ne menyre qe te sherbejne si fond fillestar per te nisur punimet. "Kemi edhe nje financim fillestar nga qeveria shqiptare, e ka konfirmuar zyrtarisht fillimin e kampusit. Dhe kampusi nga pikepamja infrastrukturore do te jete zgjidhja perfundimtare, reale, moderne qe universiteti i Tiranes te jete ashtu sic e kerkojne te gjithe shqiptaret", - vijoi Dhori Kule, rektori i Universitetit te Tiranes. Nderkaq, ne universitetet e tjera situata paraqitet me pak problematike, nisur nga ambientet. Universiteti i Tiranes do te perballet kete vit me nje risi. Studentet do te kene mundesi qe te zgjedhin nese i duan leksionet ne shqip apo ne gjuhen angleze. Nderkaq, nje tjeter risi ka te beje me futjen per here te pare te gjuhes shqipe, si lende me zgjedhje ne te gjitha fakultetet e UT. Ky vendim erdhi pasi u pa qe studentet e sapodiplomuar kishin mangesi ne drejtshkrimin e gjuhes shqipe. "Nuk eshte perseritje e gjuhes shqipe qe behet ne shkollat parauniversitare, por jane elementet e mangesive ne shkrimin dhe perdorimin e gjuhes shqipe. Departamenti i Gjuhes Shqipe i Fakultetit te Histori-Filologjise eshte gati me staf dhe me material", - thote Kule. Vendimi u mor ne Senatin e Universitetit te Tiranes, pas propozimit te kryeministrit te vendit Sali Berisha si dhe te mjaft gjuhetareve dhe akademikeve. Nderkaq, auditoret e universiteteve jane tejmbushur gjate dites se djeshme, e cila ka shenuar nisjen e vitit te ri akademik per mijera studente ne te gjitha ciklet e studimit. Per here te pare, dje e kane nisur vitin akademik rreth 22 mije studente, ne ciklin e pare me kohe te plote. Nderkaq, po dje ka perfunduar akomodimi i studenteve ne ndermarrjet e trajtimit te tyre, neper bujtina. Nisjen e vitit te ri akademik e ka pershendetur ministri i Arsimit, Myqerem Tafaj, qe nga universiteti "Ismail Qemali" i Vlores, i cili ka pershendetur mbare studentet dhe u ka uruar vit te mbare akademik, duke siguruar per rritje te cilesise ne arsim.