Kule: Mastera shkencore ne vend te atyre te nivelit te dyte
Sonila Isaku
Studentet te cilet kane perfunduar studimet ne universitetin e Tiranes, pikerisht ato studime te ciklit 4 vjecar, nuk do te kene mundesine te ndjekin masterat e nivelit te dyte, por nje tjeter program i cili do te hapet per here te pare ne vendin tone. Keto programe kane te bejne me masterat profesionale apo mastrat shkencore te cilet funksionojne ne vende te tjera. Ky fakt eshte pohuar nga Rektori i Universiteti te Tiranes, Dhori Kule.
Masterat
Universiteti i Tiranes do te hape mastera shkencore, te cilet nuk jane aplikuar ndonjehere ne vend te masterave te nivelit te dyte. Pak dite me pare Ministri i Arsimit, Myqerem Tafaj beri publik lajmin per heqjen e ketyre masterave, ndersa rektori i Universitetit te Tiranes Dhori Kule ka deklaruar se keto mastera do te zevendesohen me mastera shkencore dhe profesionale. "Duke ndryshuar logjiken e masterave te nivelit te dyte, pa i dhene atyre padrejtesisht statusin e doktoratures, por me ate ndarje sic e kane vendet e tjera, mastera profesionale dhe mastera shkencore" tha Rektori i UT-se Dhori Kule. Sipas tij, keto mastera do te rrisin profesionalizmin e atyre personave te cilet do ti aplikojne dhe ti ndjekin. Sipas drejtuesve me te larte te arsimit, heqja e ketyre masterave u mor pasi keta shkaktonin edhe problemet me te medha ne arsim, duke sjelle nje sere protestash pothuajse ne te gjitha qytetet ku ka universitete publike.
Financimi
Nje risi tjeter gjate vitit 2010 pritet te jete edhe menyra e financimit te universiteteve. Skema e re ka te beje me menyren e financimit te te ardhurave te universiteteve. Keto te fundit, krahas buxhetit te percaktuar nga Ministria e Arsimit, do te kene mundesi qe te ardhurat e tyre t'i menaxhojne vete per pagat e personelit, por edhe per stimujt perkates sipas projekteve te caktuara. "Do te filloje fillimisht me pjesen e te ardhurave qe quhen te ardhurat tona. Burimet perkatese ligjore te tyre tashme dihen. Ne kompetenca dhe pergjegjesi me te medha te institucioneve te arsimit te larte ne vendimmarrjen per perdorimin efektiv te burimeve te financimit, burimet e financimit pergjithesisht i perdorin 60- 70 per qind te tyre per personelin, pjesa tjeter eshte per shpenzime korente" tha rektori i Universitetit te Tiranes, Dhori Kule. Sipas tij, per vitin 2010 jane parashikuar edhe nje sere objektivash te tjera te cilat kane te bejne me fillimin e punimeve per kampusin e ri universitar, i cili do te perfshije disa fakultete brenda nje godine, duke zgjidhur keshtu perfundimisht problemin e akomodimit te studenteve.