Kuvend, mazhoranca rrëzon dekretet e Topit
TIRANË-Pas debateve të nxehta dhe pas një seance maratonë mazhoranca ka rrëzuar dekretet e Presidentit Topi.
Me 73 vota kundër dhe 53 vota pro të opozitës Kuvendi ka rrëzuar dekretin e Presidnetit Topi, për rishikimin e ligjit për menaxhimin e integruar të mbetjeve. Ndërkohë që ka rrëzuar edhe dekretin e Topit për kreun e KLSH-së.
LIGJI PËR MBETJET, VIJOJNË DEBATET PD-PS
Ora 16:36 Dekreti i Presidentit të Republikës për kthimin për rishqyrtim në Kuvend të ligjit "Për menaxhimin e integruar të mbetjeve" vijon të debatohet prej gati katër orësh në seancën e sotme parlamentare.
Deputetët e të dyja palëve në diskutimet e tyre vazhdojnë të shpalosin qëndrime të kundërta për ligjin, miratimi i të cilit sipas maxhorancës është në përputhje me standardet dhe legjislacionin e Bashkimit Europian, ndërkohë që importi i mbetjeve parashikohet të jetë plotësisht i menaxhueshëm dhe i kontrollueshëm.
Nga ana e tyre, deputetët e opozitës kritikojnë ashpër ligjin e qeverisë, duke kërkuar mosvotimin e tij në parlament. Sipas tyre, ligji i shërben "interesave klienteliste", ndërsa u shprehen për organizimin e një referendumi ku shqiptarët të pyeten për këtë çështje.
RULI: MINORANCA DO TË BËHET MAZHORANCË
Ora 15:43 Ministri i Bujqësisë Genc Ruli gjatë fjalës së tij në Parlament ka akuzuar opozitën se po ndjek rrugën bllokuese të kryetarit Rama, ndërkohë që ligji i tyre për mbetjet ka qenë shumë herë më i rrezikshëm.
“Minoranca do të bëhet mazhorancë. Ligji plotëson standartet. Në asnjë pikë ju nuk u sollët prova konkrete, ndonjë merak konkret të konstestimit për të sjellë plehra. Ligji juaj për mbetjet ka qënë shumë më i rrezikshëm qoftë për mënyrën qoftë për autoritetin e licencës. Ju keni gjetur armën e Ramës për të bllokuar integrimin”,- theksoi Ruli.
RUÇI: NUK DO TË LEJOJMË IMPORTIN E PLEHRAVE
Ora 13:26- Kryetari i grupit kuvendor te PS-së kërkoi zhvillimin e një referendumi për çeshtjen e importit të mbeturinave në Shqipëri. Gramoz Ruçi theksoi se opozita do të pranojë çdo diskutim për çeshtjen e plehrave, nëse hiqet neni qe lejon importin e tyre.
‘Ne nuk do të lejojmë importin e plehrave, aleanca jonë sot nuk është me asnjeri, përveç qytetarëve. Ne kundërshtojmë nenin e kontestuar nga Presidenti Topi, që lejon importin e plehrave ne vend. Nuk mund të pranojmë as 400 dhe as 50 lloje plehrash, por asnjë.’ theksoi Ruçi.
BERISHA: LIGJI E MBRON SHQIPËRINË
Ora 13:20- Nga podiumi i Kuvendit kryeministri Berisha deklaroi se, sot u themelua në Kuvend, 'Partia e plehut' që kërkon të marrë vota nga plehrat, ndërsa duke folur për ligjin e mbetjeve ai tha se, ky ligji mbron Shqipërinë nga mbetjet toksike.
“Sot kjo ditë shënon de fakto themelimin e 'Partisë së plehut' në këtë sallë. Pasi u themelua Aleanca e plehut shpërtheu epidemia. O burra të gjejmë vota në plehra... po rrëmohet, po kërkohet që në plehra të mbinë particka. Ligji që është miratuar është ai i mbrojtjes së Shqipërisë nga mbetjet toksike”, deklaroi Berisha.
Kryeministri Berisha theksoi se qeveria ka vendosur që në Shqipëri të hyjnë vetëm 50 lloje mbetjesh, të cilat do të importohen sipas kushteve të nevojshme për të shmangur çdo rrezik. Shefi i qeverisë tha se opozita nuk ka asnjë alternativë për shqiptarët dhe e vetmja rrugë e tyre është krijimi i “Partisë së plehut”.
‘Sipas listës, në Shqipëri duhet të hyjnë 400 mbetje, ndërsa qeveria ka vendosur qe të pranojë vetëm 50 lloje mbetjesh, prej te cilave asnjëra nuk është toksike dhe të gjitha do të hyjnë sipas kushteve që do të përcaktojë Këshilli i Ministrave.’ tha Berisha.
TAHIRI: KJO QEVERIA MË KRIMINELE ME MJEDISIN. JU DONI TË FITONI NGA PLEHRAT
Ora 13:06- Deputeti i Partisë Socialiste Sajmir Tahiri akuzoi edhe njëherë qeverinë se po lejon importimin e plehrave të rrezikshme, duke përmendur disa emra mbetjesh të rrezikshme.
“Polimeret e oksigjenet, poklimere butadiene, këto janë kancerogjene, kobalti është helm, shkakton infeksion në mushkëri, hire kaldajash helm, sulfur i ngurtë, helm, shkatërron mëlcinë”, tha Tahiri.
Ai akuzoi kryeministrin Berisha se po përfiton para nga ky ligj, ndërsa shtoi se kjo është qeveria më kriminale në lidhje me mjedisin.
'Flasim për dy Shqipëri të ndryshme. Kjo është qeveria më e paaftë më kriminale në lidhje me mjedisin, ju mbani rekord. Krimi dhe mafia imponojnë interesat e qeveisë suaj. o qeveri nuk ofron asnjë garanci për mbetjet që do vijnë në Shqipëri. Sot e kësaj dite kalojnë mbetje në Shqipëri, drogë e cfarëdolloj gjëjë. Anija Korabi me mbetje toksike ka ardhur në Shqipëri. Zoti, ministër e hapni ju shtëpinë për të marrë plehrat e komshiut? Pse i thoni shqiptarëve hapni dyert të marrim plehrat e Evropës? Ju doni të fitoni nga importi i plehrave. Shkoni pyetini shqiptarët. Merruni përsipër njëreferensum. Ju e keni dashur zërin e shqiptarëve zoti kryeministër, ti pyesim shqiptarët nëse duan të bëhet referendum apo jo?”
“Unë kam një fëmijë 8 muajsh nuk dua që të rritet më rrezikun e këtyre mbetjeve, ngaqë Berisha do të mbushë xhepat e tij”, shtoi Tahiri.
SHALSI-MEDIUT: SOT DUHET TË KISHE HESHTUR
Ora 12:40- Menjëherë pas deklaratës së ministrit Mediu, deputeti i PS-së Eduard Shalsi mori fjalën në Kuvend për replikë. Ai akuzoi ministrin Mediu se ka lejuar degradimin e lumit Shkumbin, ndërsa në lidhje me ligjin e mbetjeve, u shpreh se Mediu sot duhet të kishte heshtur.
“Ju nuk menaxhoni dot lumin Shkumbin. Ai po degradon, për cfarë ligji flisni? Ju po stimuloni shkatërrimin e lumit Shkumbin në mes të ditës. Ju sot duhet të heshtnit. Nuk mund të mbrosh dicka që s’ka zot që e mbron”, vijoi Shalsi.
MEDIU: MBETJET DO RICIKLOHEN
Ora 12:00- Ministri i Mjedisit, Pyjeve dhe Administrimit të Ujrave, Fatmir Mediu mori fjalën menjëherë pas deputetit të PS, Klosi. Mediu tha që sot deputetët duhet të heqin mentalitetin që kanë krijuar për të cilësuar këtë ligj si ligj plehrash, pasi bëhet fjalë për “ligjin e menaxhimit të mbetjeve dhe jo për ligjin e plehrave”, tha ai.
Ministri Mediu deklaroi më tej se mbetjet që do të importohen në Shqipëri nuk do groposen, por do trajtohen në mënyrë të integruar. Ai shtoi se mbetjet që do vijnë në vend nuk janë të rrezikshme.
“Ka vende si Gjermania e Hollanda që importojnë sot mbetje. Ju nuk ju lë mentaliteti për groposjen e mbetjeve, por ato nuk do groposen. Mbetjet do trajtohen dhe ju siguroj që ne e dimë që mostrajtimi i mbetjeve krijon pasoja të jashtëzakonshme. Prandaj trajtimi i tyre do bëhet në një proces zinxhir. Juve ju duket cudi, nëse ju them që nga mbetjet prodhohet edhe energji. Ju siguroj që nuk do trajtojmë plehrat jashtë listës së gjelbër, bëhet fjalë për mbetje të parrezikshme”, tha ai.
KLOSI: MOS E VOTONI, SHQIPËRIA DO BËHET DEPO PLEHRASH
Ora 11:15- Deputeti i PS-së i bëri thirrje të gjithë deputetëve që ndodhen në sallën e Kuvendit, të mos e votojë këtë ligj që do kthehet në gangrenë për Shqipërinë, sic tha ai.
"Ky ligj ka ngjallur interesin e opinionit publik kudo që jetojnë shqiptarët. Ky ligj është qoka e radhës që kryeministri i bën ndonjë klani klientelist. Ky ligj tregon se Shqipëria do të bëhet vend grumbullimi për plehra, kërkohet që Shqipëria të bëhet depo plehrash. Është një ligj që në asnjë nen të tij nuk flet qartë për menaxhimin e mbeturinave”, tha Klosi.
Deputeti hodhi idenë se ligji duhet të kalojë në referendum, që të vendosin shqiptarët për të, para se të votohet në Kuvend. Ai i kërkoi deputetëve të vojtojnë sot për fëmijët e tyre dhe për brezat që do të vijnë.
“Plehrat janë kthyer në një gangrenë për Shqipërinë. Ky ligj duhet të jetë si asnjë tjetër, duhet të kërkojë referendum. Pse keni frikë nga opinioni shqiptar? Pse të mos i dëgjojmë para se të votojmë me kartonat që ata na i kanë dhënë në dorë? Votojmë një ligj që na ndikon të gjithëve. Deputetë mos e votoni ketë ligj, në emër të fëmijëve, prindërve e brezave që do vijnë”, shtoi deputeti i PS.
“Mbase nuk do jeni më në listat për deputetë se Berisha nuk do ju lejojë, por është më mirë”, tha Klosi.
LIGJI I MBETJEVE NE KUVEND
Ora 10:40- Kuvendi ka nisur punimet e seancës plenare të së enjtes, ku pika më e rëndësishme është dekreti i Presidentit për kthimin për rishqyrtim në Kuvend të ligjit "Për menaxhimin e integruar të mbetjeve", i rrëzuar pak ditë më parë me votat e mazhorancës në Komisionin Parlamentar të Veprimtarive Prodhuese.
Në rendin e ditës së punimeve të sotme parlamentare janë parashikuar dhe ratifikimi i disa marrëveshjeve, si dhe pr/vendimi për disa ndryshime në rregulloren e Kuvendit. Pika të rëndësishme te seancës së sotme janë dhe dy interpelanca të kërkuara nga deputetët e opozitës, ajo me ministrin e Jashtëm, Edmond Haxhinasto dhe me ministrin e Brendshëm, Bujar Nishani.
(m.a/BalkanWeb) Lidhje te tjera Ligji për mbetjet, shoqëria civile proteston para Parlamentit Rama: Importi i plehrave, tradhti kombëtare
Me 73 vota kundër dhe 53 vota pro të opozitës Kuvendi ka rrëzuar dekretin e Presidnetit Topi, për rishikimin e ligjit për menaxhimin e integruar të mbetjeve. Ndërkohë që ka rrëzuar edhe dekretin e Topit për kreun e KLSH-së.
LIGJI PËR MBETJET, VIJOJNË DEBATET PD-PS
Ora 16:36 Dekreti i Presidentit të Republikës për kthimin për rishqyrtim në Kuvend të ligjit "Për menaxhimin e integruar të mbetjeve" vijon të debatohet prej gati katër orësh në seancën e sotme parlamentare.
Deputetët e të dyja palëve në diskutimet e tyre vazhdojnë të shpalosin qëndrime të kundërta për ligjin, miratimi i të cilit sipas maxhorancës është në përputhje me standardet dhe legjislacionin e Bashkimit Europian, ndërkohë që importi i mbetjeve parashikohet të jetë plotësisht i menaxhueshëm dhe i kontrollueshëm.
Nga ana e tyre, deputetët e opozitës kritikojnë ashpër ligjin e qeverisë, duke kërkuar mosvotimin e tij në parlament. Sipas tyre, ligji i shërben "interesave klienteliste", ndërsa u shprehen për organizimin e një referendumi ku shqiptarët të pyeten për këtë çështje.
RULI: MINORANCA DO TË BËHET MAZHORANCË
Ora 15:43 Ministri i Bujqësisë Genc Ruli gjatë fjalës së tij në Parlament ka akuzuar opozitën se po ndjek rrugën bllokuese të kryetarit Rama, ndërkohë që ligji i tyre për mbetjet ka qenë shumë herë më i rrezikshëm.
“Minoranca do të bëhet mazhorancë. Ligji plotëson standartet. Në asnjë pikë ju nuk u sollët prova konkrete, ndonjë merak konkret të konstestimit për të sjellë plehra. Ligji juaj për mbetjet ka qënë shumë më i rrezikshëm qoftë për mënyrën qoftë për autoritetin e licencës. Ju keni gjetur armën e Ramës për të bllokuar integrimin”,- theksoi Ruli.
RUÇI: NUK DO TË LEJOJMË IMPORTIN E PLEHRAVE
Ora 13:26- Kryetari i grupit kuvendor te PS-së kërkoi zhvillimin e një referendumi për çeshtjen e importit të mbeturinave në Shqipëri. Gramoz Ruçi theksoi se opozita do të pranojë çdo diskutim për çeshtjen e plehrave, nëse hiqet neni qe lejon importin e tyre.
‘Ne nuk do të lejojmë importin e plehrave, aleanca jonë sot nuk është me asnjeri, përveç qytetarëve. Ne kundërshtojmë nenin e kontestuar nga Presidenti Topi, që lejon importin e plehrave ne vend. Nuk mund të pranojmë as 400 dhe as 50 lloje plehrash, por asnjë.’ theksoi Ruçi.
BERISHA: LIGJI E MBRON SHQIPËRINË
Ora 13:20- Nga podiumi i Kuvendit kryeministri Berisha deklaroi se, sot u themelua në Kuvend, 'Partia e plehut' që kërkon të marrë vota nga plehrat, ndërsa duke folur për ligjin e mbetjeve ai tha se, ky ligji mbron Shqipërinë nga mbetjet toksike.
“Sot kjo ditë shënon de fakto themelimin e 'Partisë së plehut' në këtë sallë. Pasi u themelua Aleanca e plehut shpërtheu epidemia. O burra të gjejmë vota në plehra... po rrëmohet, po kërkohet që në plehra të mbinë particka. Ligji që është miratuar është ai i mbrojtjes së Shqipërisë nga mbetjet toksike”, deklaroi Berisha.
Kryeministri Berisha theksoi se qeveria ka vendosur që në Shqipëri të hyjnë vetëm 50 lloje mbetjesh, të cilat do të importohen sipas kushteve të nevojshme për të shmangur çdo rrezik. Shefi i qeverisë tha se opozita nuk ka asnjë alternativë për shqiptarët dhe e vetmja rrugë e tyre është krijimi i “Partisë së plehut”.
‘Sipas listës, në Shqipëri duhet të hyjnë 400 mbetje, ndërsa qeveria ka vendosur qe të pranojë vetëm 50 lloje mbetjesh, prej te cilave asnjëra nuk është toksike dhe të gjitha do të hyjnë sipas kushteve që do të përcaktojë Këshilli i Ministrave.’ tha Berisha.
TAHIRI: KJO QEVERIA MË KRIMINELE ME MJEDISIN. JU DONI TË FITONI NGA PLEHRAT
Ora 13:06- Deputeti i Partisë Socialiste Sajmir Tahiri akuzoi edhe njëherë qeverinë se po lejon importimin e plehrave të rrezikshme, duke përmendur disa emra mbetjesh të rrezikshme.
“Polimeret e oksigjenet, poklimere butadiene, këto janë kancerogjene, kobalti është helm, shkakton infeksion në mushkëri, hire kaldajash helm, sulfur i ngurtë, helm, shkatërron mëlcinë”, tha Tahiri.
Ai akuzoi kryeministrin Berisha se po përfiton para nga ky ligj, ndërsa shtoi se kjo është qeveria më kriminale në lidhje me mjedisin.
'Flasim për dy Shqipëri të ndryshme. Kjo është qeveria më e paaftë më kriminale në lidhje me mjedisin, ju mbani rekord. Krimi dhe mafia imponojnë interesat e qeveisë suaj. o qeveri nuk ofron asnjë garanci për mbetjet që do vijnë në Shqipëri. Sot e kësaj dite kalojnë mbetje në Shqipëri, drogë e cfarëdolloj gjëjë. Anija Korabi me mbetje toksike ka ardhur në Shqipëri. Zoti, ministër e hapni ju shtëpinë për të marrë plehrat e komshiut? Pse i thoni shqiptarëve hapni dyert të marrim plehrat e Evropës? Ju doni të fitoni nga importi i plehrave. Shkoni pyetini shqiptarët. Merruni përsipër njëreferensum. Ju e keni dashur zërin e shqiptarëve zoti kryeministër, ti pyesim shqiptarët nëse duan të bëhet referendum apo jo?”
“Unë kam një fëmijë 8 muajsh nuk dua që të rritet më rrezikun e këtyre mbetjeve, ngaqë Berisha do të mbushë xhepat e tij”, shtoi Tahiri.
SHALSI-MEDIUT: SOT DUHET TË KISHE HESHTUR
Ora 12:40- Menjëherë pas deklaratës së ministrit Mediu, deputeti i PS-së Eduard Shalsi mori fjalën në Kuvend për replikë. Ai akuzoi ministrin Mediu se ka lejuar degradimin e lumit Shkumbin, ndërsa në lidhje me ligjin e mbetjeve, u shpreh se Mediu sot duhet të kishte heshtur.
“Ju nuk menaxhoni dot lumin Shkumbin. Ai po degradon, për cfarë ligji flisni? Ju po stimuloni shkatërrimin e lumit Shkumbin në mes të ditës. Ju sot duhet të heshtnit. Nuk mund të mbrosh dicka që s’ka zot që e mbron”, vijoi Shalsi.
MEDIU: MBETJET DO RICIKLOHEN
Ora 12:00- Ministri i Mjedisit, Pyjeve dhe Administrimit të Ujrave, Fatmir Mediu mori fjalën menjëherë pas deputetit të PS, Klosi. Mediu tha që sot deputetët duhet të heqin mentalitetin që kanë krijuar për të cilësuar këtë ligj si ligj plehrash, pasi bëhet fjalë për “ligjin e menaxhimit të mbetjeve dhe jo për ligjin e plehrave”, tha ai.
Ministri Mediu deklaroi më tej se mbetjet që do të importohen në Shqipëri nuk do groposen, por do trajtohen në mënyrë të integruar. Ai shtoi se mbetjet që do vijnë në vend nuk janë të rrezikshme.
“Ka vende si Gjermania e Hollanda që importojnë sot mbetje. Ju nuk ju lë mentaliteti për groposjen e mbetjeve, por ato nuk do groposen. Mbetjet do trajtohen dhe ju siguroj që ne e dimë që mostrajtimi i mbetjeve krijon pasoja të jashtëzakonshme. Prandaj trajtimi i tyre do bëhet në një proces zinxhir. Juve ju duket cudi, nëse ju them që nga mbetjet prodhohet edhe energji. Ju siguroj që nuk do trajtojmë plehrat jashtë listës së gjelbër, bëhet fjalë për mbetje të parrezikshme”, tha ai.
KLOSI: MOS E VOTONI, SHQIPËRIA DO BËHET DEPO PLEHRASH
Ora 11:15- Deputeti i PS-së i bëri thirrje të gjithë deputetëve që ndodhen në sallën e Kuvendit, të mos e votojë këtë ligj që do kthehet në gangrenë për Shqipërinë, sic tha ai.
"Ky ligj ka ngjallur interesin e opinionit publik kudo që jetojnë shqiptarët. Ky ligj është qoka e radhës që kryeministri i bën ndonjë klani klientelist. Ky ligj tregon se Shqipëria do të bëhet vend grumbullimi për plehra, kërkohet që Shqipëria të bëhet depo plehrash. Është një ligj që në asnjë nen të tij nuk flet qartë për menaxhimin e mbeturinave”, tha Klosi.
Deputeti hodhi idenë se ligji duhet të kalojë në referendum, që të vendosin shqiptarët për të, para se të votohet në Kuvend. Ai i kërkoi deputetëve të vojtojnë sot për fëmijët e tyre dhe për brezat që do të vijnë.
“Plehrat janë kthyer në një gangrenë për Shqipërinë. Ky ligj duhet të jetë si asnjë tjetër, duhet të kërkojë referendum. Pse keni frikë nga opinioni shqiptar? Pse të mos i dëgjojmë para se të votojmë me kartonat që ata na i kanë dhënë në dorë? Votojmë një ligj që na ndikon të gjithëve. Deputetë mos e votoni ketë ligj, në emër të fëmijëve, prindërve e brezave që do vijnë”, shtoi deputeti i PS.
“Mbase nuk do jeni më në listat për deputetë se Berisha nuk do ju lejojë, por është më mirë”, tha Klosi.
LIGJI I MBETJEVE NE KUVEND
Ora 10:40- Kuvendi ka nisur punimet e seancës plenare të së enjtes, ku pika më e rëndësishme është dekreti i Presidentit për kthimin për rishqyrtim në Kuvend të ligjit "Për menaxhimin e integruar të mbetjeve", i rrëzuar pak ditë më parë me votat e mazhorancës në Komisionin Parlamentar të Veprimtarive Prodhuese.
Në rendin e ditës së punimeve të sotme parlamentare janë parashikuar dhe ratifikimi i disa marrëveshjeve, si dhe pr/vendimi për disa ndryshime në rregulloren e Kuvendit. Pika të rëndësishme te seancës së sotme janë dhe dy interpelanca të kërkuara nga deputetët e opozitës, ajo me ministrin e Jashtëm, Edmond Haxhinasto dhe me ministrin e Brendshëm, Bujar Nishani.
(m.a/BalkanWeb) Lidhje te tjera Ligji për mbetjet, shoqëria civile proteston para Parlamentit Rama: Importi i plehrave, tradhti kombëtare