Kuvend, miratohet zbatimi i Kushtetutës në mbarë vendin
PRISHTINë- Kuvendi i Republikës së Kosovës miratoi sonte në mbrëmje një deklaratë për zbatimin e Kushtetutës në tërë territorin e Kosovës.
Kuvendi i Republikës së Kosovës, duke theksuar rolin e vet në zbatimin e plotë të Kushtetutës së Republikës së Kosovës, sundimin e shtetit ligjor, luftën ndaj kriminalitetit dhe kontrabandës, garantimin e pronës, lirisë së lëvizjes, paqes, demokracisë dhe perspektivës së zhvillimit ekonomik për mbarë qytetarët, në deklaratën e miratuar, rikonfirmon domosdoshmërinë e respektimit dhe zbatimit të plotë të Kushtetutës së Kosovës në tërë territorin e Kosovës, duke garantuar ruajtjen e tërësisë territoriale dhe pacenueshmërinë e kufijve të pranuar ndërkombëtarisht të Republikës së Kosovës.
Në të njëjtën kohë, Kuvendi i Kosovës mirëpret Deklaratën e Grupit Ndërkombëtar Drejtues për Kosovën, të datës 8 shkurt 2010, në të cilën shprehet mbështetja e plotë për domosdoshmërinë e forcimit të përpjekjeve të institucioneve të Republikës së Kosovës, për veriun e Kosovës.
Gjithashtu, Kuvendi i Republikës së Kosovës shpreh përkushtimin e tij për të siguruar që të gjithë shtetasit e Kosovës, të gëzojnë mbrojtjen e shtetit ligjor. Kuvendi mirëpret përkrahjen e Bashkimit Evropian e të bashkësisë ndërkombëtare për të bërë të mundur që të gjithë qytetarët të kenë përfaqësim demokratik në pushtetin qendror dhe lokal, të përfitojnë nga shërbimet e investimet dhe të kenë qasje në drejtësi.
Kuvendi i Republikës së Kosovës rithekson nëpërmjet kësaj deklarate, përkushtimin e tij ndaj vetëqeverisjes lokale dhe decentralizimit, sipas Propozimit Gjithëpërfshirës për statusin e Kosovës, Kushtetutës dhe legjislacionit të miratuar prej tij.
Kuvendi i Republikës së Kosovës u mblodh sot me vetëm një pikë të rendit të ditës: debat, sipas kërkesës së Grupit Parlamentar të Lidhjes Demokratike të Dardanisë (LDD), për zbatimin e Kushtetutës së Republikës së Kosovës dhe për praninë e strukturave të pushtetit të Serbisë në territorin e Republikës së Kosovës.
(e.n/BalkanWeb)
Kuvendi i Republikës së Kosovës, duke theksuar rolin e vet në zbatimin e plotë të Kushtetutës së Republikës së Kosovës, sundimin e shtetit ligjor, luftën ndaj kriminalitetit dhe kontrabandës, garantimin e pronës, lirisë së lëvizjes, paqes, demokracisë dhe perspektivës së zhvillimit ekonomik për mbarë qytetarët, në deklaratën e miratuar, rikonfirmon domosdoshmërinë e respektimit dhe zbatimit të plotë të Kushtetutës së Kosovës në tërë territorin e Kosovës, duke garantuar ruajtjen e tërësisë territoriale dhe pacenueshmërinë e kufijve të pranuar ndërkombëtarisht të Republikës së Kosovës.
Në të njëjtën kohë, Kuvendi i Kosovës mirëpret Deklaratën e Grupit Ndërkombëtar Drejtues për Kosovën, të datës 8 shkurt 2010, në të cilën shprehet mbështetja e plotë për domosdoshmërinë e forcimit të përpjekjeve të institucioneve të Republikës së Kosovës, për veriun e Kosovës.
Gjithashtu, Kuvendi i Republikës së Kosovës shpreh përkushtimin e tij për të siguruar që të gjithë shtetasit e Kosovës, të gëzojnë mbrojtjen e shtetit ligjor. Kuvendi mirëpret përkrahjen e Bashkimit Evropian e të bashkësisë ndërkombëtare për të bërë të mundur që të gjithë qytetarët të kenë përfaqësim demokratik në pushtetin qendror dhe lokal, të përfitojnë nga shërbimet e investimet dhe të kenë qasje në drejtësi.
Kuvendi i Republikës së Kosovës rithekson nëpërmjet kësaj deklarate, përkushtimin e tij ndaj vetëqeverisjes lokale dhe decentralizimit, sipas Propozimit Gjithëpërfshirës për statusin e Kosovës, Kushtetutës dhe legjislacionit të miratuar prej tij.
Kuvendi i Republikës së Kosovës u mblodh sot me vetëm një pikë të rendit të ditës: debat, sipas kërkesës së Grupit Parlamentar të Lidhjes Demokratike të Dardanisë (LDD), për zbatimin e Kushtetutës së Republikës së Kosovës dhe për praninë e strukturave të pushtetit të Serbisë në territorin e Republikës së Kosovës.
(e.n/BalkanWeb)