Kuvend, pritet të votohet ligji për Gjykatën Administrative

Kuvendi i Shqipërisë pritet të miratojë sot projektligjin për gjykatën administrative. Në axhendën e seancës së sotme plenare është vetëm diskutimi e më pas votimi i projektligjit “Për gjykimin e Mosmarrëveshjeve Administrative dhe Organizimin e Drejtësisë Administrative”, për të cilin palët kanë rënë dakort në komisionin e ligjeve.
 

Ditën e djeshme kryetari i PS-së, Edi Rama ka porositur deputetët që të mos krijojnë vonesa e pengesa për miratimin e tij, në kuadër të plotësimit të reformave të nevojshme për integrimin e vendit në BE.