Kuvendi i PD, sot zgjidhet kryetari, ndryshime ne statut

Demokratet nesh do te votojne kreun e partise dhe per nje mandat tjeter kater vjecar. Njeheresh do te votohen dhe forumet drejtuese, te cilat do te perzgjedhin kryesine dhe strukturat drejtuese te PD, sekretariatin dhe nenkryetaret. Keshtu, sot ne oren 10 paradite, 1260 delegate dhe delegate demokrate do te votojne per te zgjedhur kreun e partise se tyre, qe sipas te gjitha gjasave do te rikonfirmohet lideri historik i kesaj partie Sali Berisha. Per vete faktin se deri me tani nuk eshte bere publik ndonje emer, i cili mund te rivalizoje liderin themeluesin dhe liderin historik te kesaj partie. Axhenda e ketij kongresi do te jete me te vertete e ngjeshur dhe do te kete ne perberje te tij, te gjitha, qe nga votimi i liderit, deri tek ndryshimet ne statutin e partise. Fillimisht nisjen e punimeve te ketij kongresi pune do ta hape nenkryetari i partise Astrit Patozi i cili kryeson gjithashtu edhe komisionin per procedurat operacionale dhe elektorale, komision pergjegjes per perzgjedhjen e delegateve. Ne fjalen e tij Patozi pritet qe te shpjegoje edhe menyren e perzgjedhjes se delegateve, me voten e te cileve do te behet dhe miratimi i kreut te partise, forumeve drejtuese qe eshte Keshilli Kombetar, si dhe ndryshimet ne statutin e partise, ndryshime qe i jane nenshtruar nje diskutimi te gjere ne deget lokale te partise, ne fushaten disa javore brenda saj dhe ku kane kontribuar sipas delegimit, te gjithe anetaret e kryesise dhe deputetet e Kuvendit, sipas qarqeve ne te cilet jane zgjedhur me 28 qershor te ketij viti. Me pas fjalen do ta marre sekretari i pergjithshem i PD, Ritvan Bode i cili eshte pergjegjes per komisionin e ndryshimeve statutore. Bode do te prezantoje te gjithe kerkesat dhe propozimet qe kane ardhur nga diskutimi ne bazen e partise, te cilat do te hidhen ne votim. Kjo eshte axhenda e Kuvendit te PD, per sa i perket fazes se pare. Me tej do te nise nje analize e hollesishme e zgjedhjeve te 28 qershorit, per te cilat pritet qe kryeministri Berisha te mbaje fjalen e rastit. Ne te cilen do te evidentohen te gjitha arritjet ne keto zgjedhje qe garantuar nje mandat te dyte per koalicionin e djathte, nderkohe qe nuk perjashtohen dhe kritikat. Pavaresisht se fituesit nuk mund te kritikohen dhe demokratet garantuan nje vote te tille, qe mbajti dhe per kater vitet e ardhshme PD si udheheqese te koalicionit qeverises. Pas ketyre zhvillimeve, fillon votimi per anetaret e Keshillit Kombetar, ku nga 400 kandidate do te fitojne kete status 100 te tille. Pritet qe punimet e kuvendit kombetar te Partise Demokratike te zgjasin jo pak por deri ne oret e para te mengjesit te dites se neserme per vete specifiken ne te cilen do te zhvillohen keto punime pasi lista e kandidateve per keshill kombetar duket jo pak por plot 400 te tille.