Kuvendi te premten vendoset mandati i Ilir Beqjas

Demokratet akuzojne deputetin socialist se ka shkelur Kushtetuten duke perfituar nga fondet publike. Socialistet mbledhja po mbahet jashte procedurave te Kuvendit

TIRAN - Keshilli i Mandateve do te vendose diten e premte nese do ti kerkoje apo jo Gjykates Kushtetuese heqjen e mandatit per deputetin Ilir Beqja. Keshilli u mblodh dje per te diskutuar kerkesen e demokrateve per heqjen e mandatit ndaj deputetit socialist Ilir Beqja por nuk arriti qe te merrte nje vendim.

Gjate mbledhjes perfaqesuesit e Partise Demokratike kerkuan interpretimin e mandatit te tij nga Gjykata Kushtetuese duke pretenduar se deputeti socialist ka shkelur ligjin themeltar te shtetit duke perfituar nga tenderet publike gjate kohes qe ka qene i veshur me mandatin e deputetit. Ne takim kane qene prezent kryetaret e dy grupeve parlamentare Ruci dhe Patozi si dhe kryetarja e Kuvendit Jozefina Topalli.

Mesohet se deputetet e majte kane kundershtuar vazhdimin e mbledhjes e cila sipas tyre mbahet jashte procedurave parlamentare.

Te pyetur nga gazeta Shekulli deputetet socialiste pohojne se jane njoftuar vetem dy ore para takimit. Pavaresisht debateve me njeri-tjetrin te dy palet pranuan kerkesen e deputetit Ilir Beqja i cili kerkoi me shume kohe per shqyrtimin e dokumentacionit.

Rregullorja e Kuvendit ne nenin 118 te saj percakton se Keshilli i Mandateve merr nje vendim per ceshtjen dhe me pas harton nje raport njohes per Kuvendin duke e derguar ate njekohesisht edhe ne Gjykaten Kushtetuese por per informim dhe kryeministrit dhe Presidentit te Republikes.

Sipas rregullores ne rast se do te merret vendimi per ti kerkuar gjykates heqjen e mandatit si te papajtueshem me Kushtetuten atehere nuk parashikohet votim por vetem informim i kuvendit.

Te premten keshilli do te dale me nje relacion ku do te kerkohet heqja e imunitetit e cila do ti paraqitet kuvendit e me pas ky i fundit do ta dergoje ne Gjykaten Kushtetuese. Do te jete pikerisht kjo gjykate e cila do te vendose nese Ilir Beqja do te vazhdoje te jete deputet ose jo.

Kerkesa e demokrateve

Mazhoranca e akuzon deputetin Ilir Beqja se ka perfituar nga fondet publike ne kundershtim me ligjin. Sipas tyre deputeti i Partise Socialiste ka qene ne konflikt interesi ne 2009-en kohe kur kompania e tij fitoi tenderin prej 220 milione lekesh per pajisjen e bashkise se Durresit me sistemin elektronik.

Nisur nga ky pretendim me 1 tetor deputetet e mazhorances dorezuan kryesine e Kuvendit nje kerkese ku deputeti i Durresit pretendohet se ka shkelur Kushtetuten.

Me ane te kesaj kerkese nje grup deputetesh i paraqesin Kuvendit kerkesen per te derguar ne Gjykaten Kushtetuese ceshtjen e papajtueshmerise me detyren e deputetit Ilir Beqja - thuhet ne kerkesen e demokrateve.

Ne vijim te kerkese se tyre grupi i deputeteve nismetare per kete ceshtje vlereson se roli i deputeteve dhe i kuvendit ne teresi eshte thjesht konstatues i fakteve te cilat sipas tyre prima facie tregojne se nje deputet ka papajtueshmeri ne ushtrimin e detyres se tij.

Ne provat e dorezuara nga demokratet thuhet se deputeti Ilir Beqja ne cilesine e ortakut te shoqerise INTECH- ka lidhur me Bashkine Durres kontraten per Informatizimin e kesaj Bashkie-Faza II me fondin limit 20.751.000 leke shpallur ne Buletinin e Agjencise se Prokurimit Publik 30 nentor 2009. Data e zhvillimit te tenderit ishte data 22.10.2009 dhe INTECH- eshte shpallur fitues me vleren 20.200.000 leke.

Anetareve te Keshillit te Rregullores dhe te Mandateve u eshte vene ne dispozicion edhe dosja qe sipas demokrateve faktojne shkeljet e deputetit Ilir Beqja. Bashkia Durres ne kuader te informatizimit te sistemit ka zhvilluar vitin e kaluar tender te hapur per te zgjedhur kompanite qe do te realizonin kete proces.

Per shkak te volumit te punes por edhe te kostos projekti u zbatua ne dy faza. Tenderi per fazen e pare u zhvillua me 30 janar 2009 ora 1000 ku firma INTECH sh.p.k. u shpall fituese duke ofruar 15995000 leke pa TVSH nderkohe qe fondi limit ishte 16986250 leke. Tre muaj me vone firma INTECH sh.p.k. lidhi kontraten me Bashkine e Durresit.

Edhe ne tenderin e dyte te organizuar nga Bashkia e Durresit ne forme te hapur perseri u shpall fituese firma INTECH- sh.p.k. Tenderi i dyte u zhvillua me 22 tetor 2009 ne te cilen kjo firme ofroi 20 200 000 leke ndersa fondi limit per kete tender ishte 20 751 000 leke. Ne total te dy tenderet duke perfshire edhe TVSH KAP VLERN E 43 434 000 LEK.

Sipas Qendres Kombetare te Regjistrimit te Bizneseve 9 QKR kompania INTECH- eshte regjistruar ne Gjykaten e Tiranes ne 1 nentor 2001 me numer vendimi 26596 me kapital fillestar shumen 100 000 leke. Objekti i veprimtarise eshte tregtimi i sistemeve kompjuterike per perpunimin e informacioneve dhe transmetimeve.

Prodhim i programeve aplikative. Instalimi i sistemeve te informacionit dhe te nderlidhjes sherbimi i sistemeve elektronike ne cdo fushe te ekonomise tregtimi i pajisjeve dhe sistemeve elektronike ne cdo fushe te ekonomise.

Deputeti Ilir Beqja eshte bashkortak me 51 te aksioneve ndersa ortaku tjeter eshte Sokol Sinani me 49 . Aktualisht kapitali i kesaj kompanie kap vleren e 12 000 000 00 leke.

PS per deputetin e Shkodres

Partia Socialiste ka mbrojtur deputetin e saj Ilir Beqja duke deklaruar se ne ate kohe ai nuk ka pasur mandatin e deputetit pasi nuk kushte kryer betimin. Akuzat ne drejtim te deputetit te PS-se Ilir Beqja kreu socialist i quajti shpifje.

Ne baze te nenit 3 te Kushtetutes thuhet se deputetet nuk mund te kryejne asnje veprimtari fitimprurese qe buron nga pasuria e shtetit ose e pushtetit vendor dhe as te fitojne pasuri te ketyre.

Per cdo shkelje me mocion te kryetarit te Kuvendit ose te nje se dhjetes se anetareve te tij Kuvendi vendos per dergimin e ceshtjes ne Gjykaten Kushtetuese e cila konstaton papajtueshmerine. Nderkohe sipas nenit 71 mandati i deputetit fillon diten qe ai shpallet i zgjedhur nga komisioni perkates i zgjedhjeve.

Keshilli per Rregulloren Mandatet dhe Imunitetin

1. Keshilli per Rregulloren Mandatet dhe Imunitetin perbehet nga 10 deputete te emeruar nga Kryetari i Kuvendit ne menyre qe te sigurojne perfaqesim te barabarte mes shumices dhe opozites parlamentare.

Keshilli kryesohet nga Kryetari i Kuvendit.
2. Keshilli studion propozimet per ndryshimin e Rregullores jep mendime per ceshtje te interpretimit te Rregullores sipas nenit 116 te kesaj Rregulloreje si dhe per konfliktet ne lidhje me kompetencat ndermjet komisioneve te Kuvendit.

3. Me kerkese te Kryetarit te Kuvendit Keshilli shqyrton kerkesen per dhenien e autorizimit nga Kuvendi per fillimin e ndjekjes penale ose arrestimin e nje deputeti ne perputhje me nenin 118 dhe nese ka vend per procedim ndaj deputetit te ndaluar ose te arrestuar sipas nenit 119 te kesaj Rregulloreje.

4. Keshilli shqyrton te gjitha ceshtjet qe lidhen me mandatin e deputetit dhe paraqet raportin perkates ne seance plenare.

5. Keshilli verifikon mandatin e deputetit i cili zgjidhet gjate legjislatures dhe paraqet raportin perkates ne seance plenare.

6. Keshilli mblidhet ne menyren e parashikuar nga kjo Rregullore per komisionet e perhershme.