LDD e hapur për partneritet serioz me të gjithë partitë

Kryesia e Lidhjes Demokratike të Dardanisë, nën kryesimin e kryetarit Nexhat Dacit, kryetar, ka mbajtur sot mbledhjen e saj të rregullt.

Kryetari Daci e ka njoftuar kryesinë për aktualitetin politik në Kosovë. Më pas ai ka njoftuar për takimin e dytë të grupeve punuese të LDD-së dhe LDK-së, për arritjen e marrëveshjes së bashkëpunimit. Më pas anëtarët e grupit negociues të LDD-së, kanë njoftuar për rrjedhën e takimit të dytë me grupin negociues të LDK-së.

Pastaj u zhvillua një debat në të cilin u inkuadruan anëtarët e pranishëm të kryesisë dhe u vlerësua se LDD-ja është e hapur për partneritet serioz me të gjitha partitë politike në vend.

Në këtë takim u raportua edhe për vizitat e anëtarëve të kryesisë së LDD-së, nëpër degët e partisë si dhe për rezultat e këtyre vizitave. /Indeksonline/