LSI: Rama, kthehu ne rrugen e arsyes
Reforma zgjedhore dhe nje sere procesesh te tjera, per te cilat ka nevoje vendi, jane arsyet se perse Partia Socialiste duhet te nis bashkepunimin me mazhorancen. Ky eshte apeli qe Levizja Socialiste per Integrim u ka bere dje drejtuesve te Partise Socialiste, duke i ftuar ata qe te lene menjane interesat personale. "Duke shfrytezuar kete komunikim me mediat, perfitojme edhe njehere nga rasti per t'i perseritur serish lidershipit te Partise Socialiste ftesen per te kontribuar ne menyre konstruktive per te tashmen dhe te ardhmen e vendit", u shpreh dje ne nje konference per mediat, Sekretari per Marredheniet me Publikun ne Levizjen Socialiste per Integrim, Ardit Cela. Ai theksoi se Partia Socialiste dhe lidershipi i saj duhet te vendose mbi gjithcka interesat e vendit. "Partia Socialiste duhet ta kuptoje njehere e mire, se interesat kombetare qendrojne mbi gjithcka, dhe se qendrimi ne llogore te mbyllura e te betonuara, vetem e vetem per hir te interesave personale, eshte kontributi me negativ qe mund te jape per zhvillimin dhe te ardhmen e vendit", u shpreh Sekretari i Marredhenieve me Publikun ne LSI. Nga ana tjeter ai theksoi se deri me sot "qendrimet e Partise Socialiste kane qene bllokuese dhe ne mungese te plote te alternativave" per integrimin e vendit. Duke u ndalur dhe ne debatet e zhvilluara ditet e fundit mes opozites dhe mazhorances, sekretari i LSI-se theksoi se lidershipi i Partise Socialiste duhet te heq dore nga politika e vjeter e konflikteve. Ai u shpreh se mazhoranca i ka dhene te gjitha mundesite per te bashkepunuar lidershipit te opozites dhe se ai nuk duhet ta humbase kete rast. "Ne shprehim besimin dhe urojme njekohesisht, qe lidershipi i opozites, te kthehet ne rrugen e arsyes, te heqe dore nga politika e vjeter e konflikteve artificiale e te paqena, si dhe te shtrengoje fort doren e shtrire te mazhorances, per te bashkepunuar per reformat e rendesishme ne te mire te vendit", u shpreh Cela. Edhe me pare Levizja Socialiste per Integrim ka apeluar per nisjen e reformave ne vend. Nderkohe qe ka qene e para qe ka kerkuar mbledhjen e tryezes politike per reformen zgjedhore. Nderkohe qe pergjigja e Partise Socialiste ka qene serish me transparencen e zgjedhjeve dhe mundesine qe u hoqi, sipas PS-se Levizja Socialiste per Integrim qytetareve per te pare te verteten e zgjedhjeve te 28 qershorit te vitit te kaluar.
Reforma
Propozimet e LSI per reformen zgjedhore
Levizja Socialiste per Integrim ka kerkuar prej kohesh nisjen e punes per reformen zgjedhore, duke e konsideruar ate si nje emergjence per zgjedhjet e ardhshme vendore. LSI-ja ka sugjeruar nje reforme gjitheperfshirese, ku te gjitha forcat politike te kene te drejten te bejne propozime konkrete. Ndersa nje pike tjeter qe duhet ndryshuar, sipas LSI-se, eshte ajo qe ka te beje me sistemin zgjedhor. Perfaqesues te LSI-se kerkojne ndryshimin e sistemi nga proporcional rajonal ne proporcional kombetar. Propozimet e LSI-se kane gjetur mbeshtetjen e partive te tjera te vogla, nderkohe qe Partia Demokratike ka deklaruar se eshte e gatshme te ulet ne tryezen e bisedimeve per cdo kerkese te PS-se ne lidhje me kete ceshtje.