“La Stampa” i kushton rendesi debatit
Debati qe ka perfshire mjedisin kuqezi pas perplasjeve te fundit, nuk ka kaluar pa u vene re edhe ne mediat e huaja. Keshtu, e perditshmja torineze “La Stampa”, i ka kushtuar rendesi ketij debati, duke i kushtuar nje artikull ceshtjes se shitjeve te ndeshjeve te Kombetares dhe ka fokusuar perballjen me Rumanine. Sipas gazetes, qe i referohet burimeve shqiptare, gisht ne kete mes ka vete presidenti: “Presidenti i federates mund te kete organizuar mashtrimin. Perflitet edhe ndeshja me Bjellorusine”. Me pas e perditshmja italiane ka theksuar se “kur permendet emri Shqiperi, duhet pare mire e shkuara” dhe i referohet historikut te gjate te ndeshjeve te dyshuara. Ne fokusin e saj jane vene ndeshje si Dinamo-Brondbi 4-0, ku sipas zedhenesit te agjencise “William Hill”, Graham Sharp, bastet ishin vene te gjitha ne Londer dhe Mancester, por ne ndryshim nga rezultati, parashikonin nje fitore 0-5 te danezeve, duke bere keshtu te deshtoje goditja. Nje vit me pas, dy ndeshje ne shenjester: Dinamo-Tirana dhe Vllaznia-Dandi, turi paraeliminator i Kupes UEFA. Shuma te medha te vena ne shenjen 2, rezultat qe u dha te drejte bastvenesve. UEFA hap nje hetim, por nuk del asgje ne drite. E paharrueshme sfida mes Ekranasit te Lituanise dhe Elbasanit: 2 ore para fillimit nje ortek bastesh saldojne rezultatin 1. Ndeshja mbyllet me fitoren e vendesve 3-0. Por, sipas “La Stampa”, eshte Besa mbi te tera. Ne leter duhej te ishte mundur keq ne fushen e serbeve te Bezhanijes sepse keshtu tregonin bastet miliardere qe ishin vene per fitoren minimale te serbeve: ndeshja perfundoi 2-2. Ndeshjen tjeter, Besa pret bullgaret e Liteks Loveksit. Perfundon 0-3 me golat e shenuar qe ne pjesen e pare, bastet te gjitha per 2 fiks. Dyshime edhe per Sllaven Belupo-Teuta: bastvenesit parashikojne shume gola. Ndeshja mbaron 6-2. Shqiperia nuk eshte vetem. Pazaret jane te orientuara nga Lindja. Te famshmet “betting syndicate” aziatike jane te specializuara, ato mund te luajne fort deri ne miliona euro ne nje ndeshje dhe nderhyjne ne ndeshjet evropiane.