Zgjedhjet, fillon afati per shpalljen e kandidaturave

Procesi i shpalljes se kandidaturave per zgjedhjet e autoriteteve drejtuese ne universitete eshte hapur dje, ne baze te rregullores per zgjedhjet. Megjithate, zyrtarisht, asnjeri prej kandidateve nuk ka plotesuar te dhenat dhe nuk ka paraqitur programin qe do te zbatoje ne rast se fiton. Kryetari i Komisionit Qendror te Zgjedhjeve ne universitete, Enver Roshi tha se afati i fundit per dorezimin e dosjeve nga kandidatet eshte deri te shtunen ne mbremje. Kandidatet per postin e dekanit ne fakultete, ndryshe kandidatet per postin e rektorit te Universitetit te Tiranes, do t’i depozitojne dosjet e tyre ne fakultetet perkatese, pas konstituimit te Komisionit te Zgjedhjeve ne Fakultete (KZF). Roshi tha se me perfundimin e afatit peseditor per paraqitjen e kandidateve per poste te autoriteteve dhe organeve drejtuese, percaktuar ne piken 6.1, te kesaj rregulloreje, KQZI-ja dhe KZF-te, do te verifikojne plotesimin nga kandidatet e paraqitur te kritereve te parashikuara ne kete rregullore dhe sipas ligjit “Per Arsimin e Larte ne Republiken e Shqiperise”, i ndryshuar. Ne kete faze KQZI-ja dhe KZF-te zyrtarizojne kandidatet me listat e tyre mbeshtetese, percaktuar ne piken 6.4, te kesaj rregulloreje, duke i renditur ata ne lista te vecanta per cdo post autoriteti drejtues me vete. Per organet drejtuese, listat do te jene te vecanta sipas organeve drejtuese (Senat akademik/Keshill i Administrimit/Keshill i Fakultetit) dhe per perfaqesues sipas kategorive te ndryshme te trupes zgjedhore.