Largohem nga drejtimi nese LDK renditet pas PDK-se
Kreu i LDK-se Isa Mustafa deklaroi se do te jape doreheqjen nga drejtimi i partise nese partia qe ai drejton nuk do te rezultoje me rritje ne zgjedhje. Ne nje interviste dhene Kohes Ditore Mustafa ka folur per ndryshimet qe ka bere ne LDK dhe per balancen midis gjeneratave qe meton ta krijoje pa dridhje e trazira. Ai ka folur edhe per mosbesimin per te qeverisur tek ish-ministrat te cilet i ka pasur ne qeveri deri tani LDK-ja. Mustafa ka premtuar njerez te rinj e te painkriminuar ne poste ekzekutive ne rast se LDK-ja del e para ne zgjedhje. Por ne rast se mbetet pas PDK-se ai eshte treguar i gatshem qe ta lere partine per here te pare ne historikun e saj ne opozite. Kjo ngaqe i ka vene vije te kuqe partneritetit qeverises me partine e Hashim Thacit. Mustafa nuk e ndien veten shkaktar te afrimit te Bujar Bukoshit dhe Uke Rugoves me partine e Ramush Haradinajt. Mustafa thote se i ka thene shefit te dikurshem te tij se lufta per reforma duhet te zhvillohet brenda partise e jo jashte saj. Kurse per djalin e presidentit Ibrahim Rugova ai eshte i sigurt se i ka dale hakut. Ka shpjeguar se i ka ofruar vend ne liste per deputet edhe pse ne parim nuk ka pasur nevoje ta bente nje gje te tille. I pari i LDK-se vazhdon te kete respekt per pararendesin e tij Fatmir Sejdiu dhe nuk e perjashton mundesine qe ti kerkoje falje nese nuk arrin tia sjelle partise nje vote me shume se ne zgjedhjet e vitit 2007. Ai befasohet se si sot askush nuk e akuzon Jakup Krasniqin se po e shkel Kushtetuten duke kryer aktivitete partiake ne cilesine e ushtruesit te detyres se Presidentit po aq sa nuk e akuzon askush Kryeministrin ne doreheqje Hashim Thaci qe e ka kthyer ne pune ish-kryetarin e Rahovecit 45 dite pas doreheqjes se tij. Mustafa eshte treguar i gatshem qe ta lere postin e kryetarit te Komunes se Prishtines vetem ne rast se partia konsideron se ai duhet te behet kryeminister. Nder te tjera kreu i LDK-se Isa Mustafa deklaroi se nuk do te vepronte njesoj per postin e deputetit. Ai nuk e ka perjashtuar mundesine qe dikush tjeter nga LDK-ja te mund ta marre drejtimin e qeverise por eshte shprehur kategorik qe postin e Kryeministrit qe te mos ia lere ndonje partie tjeter.
Per ndryshimet ne LDK nga dita kur ka ardhur ne krye te partise Mustafa tha se ne pikepamje te organizimit ka ndryshime te cilat i konsideroi te medha sepse ka mjaft levizje ne Keshillin Qendror te LDK-se. Ne listen per deputete po ashtu ka ndryshime. Rreth 70 per qind jane njerez te rinj. Sipas Mustafes ka edhe ndryshime cilesore. LDK-ja ka mbajtur filozofine rugoviane por ne politikat tona te metutjeshme do te jemi shume pragmatike dhe do te merremi me problemet ditore me te cilat ballafaqohet shteti i Kosoves sepse ne duhet te ofrojme zgjidhje pragmatike per keto probleme eshte shprehur Mustafa ne intervisten per Koha Ditore.