Legalizimet, kompensim te shpejte pronareve

Kuvendi do te shqyrtoje me procedure te pershpejtuar, projektligjin e qeverise per ndryshime ne ligjin e legalizimeve, i cili synon kompensim te shpejte ndaj pronareve, tokat e te cilave jane zene nga ndertimet pa leje. Kuvendi votoi dje me 56 vota pro projektvendimin qe keto ndryshime te votohen brenda dates 28 shkurt. Me votimin e shpejte ne Kuvend, per te cilen opozita kundershtoi, te gjithe pronaret, tokat e te cileve jane zene nga ndertimet e paligjshme, do te kompensohen ne harkun kohor prej 6 muajsh. Sipas ndryshimeve te qeverise do te jene zyrat rajonale te Agjencise se Kthimit dhe Kompensimit te Pronave, te cilat do te realizojne procesin e kompensimit te subjekteve brenda 6 muajve nga vendimi i qeverise. Ekzekutivi ka vendosur qe e gjithe siperfaqja e zene nga nderimet pa leje do te kompensohet si siperfaqe toke truall per pronaret e ligjshem. 80 per qind e fondit te parave qe do te sherbejne per kompensimin e pronareve te ligjshem, do te sigurohet, sipas qeverise, nga pagesat qe bejne personat qe legalizojne ndertimet e paligjshme. Fillimisht ishte percaktuar qe kompensimi i pronareve do te behej menjehere pas pageses qe do te bente ndertuesi i paligjshem, por kjo duket se nuk u realizua. Fondi i kompensimit tashme do te grumbullohet ne buxhetin e shtetit dhe me pas do te percaktohet nga qeveria se sa do te jete shuma e parave qe do te kaloje per kompensimin e ish-pronareve. R.R.