Legalizimet, lista e plote me 2416 emra per Lezhen, Korcen e Gjirokastren

Agjencia e Legalizimit, Urbanizimit dhe Integrimit te Zonave Informale, publikon sot listat e plota me 2416 emra per Lezhen, Gjirokastren e Korcen. Ju mund te gjeni te plota listat me 2000 pasuri per qarkun e Lezhes, 392 per qarkun Gjirokaster dhe 26 pasuri ne qarkun Korce, per te cilet ka perfunduar dokumentacioni tekniko-ligjor i kalimit te pronesise se parceles ndertimore. Qytetaret qe deshirojne te shlyejne detyrimet me bono privatizimi, sipas listes se meposhtme, ne baze te nje grafiku, duhet te paraqiten prane Zyrave Rajonale Lezhe, Gjirokaster dhe Korce, per te dorezuar kerkesen per menyren e pageses me bono privatizimi sipas percaktimeve ne ligj. Ky formular gjendet ne Zyren Rajonale te ALUIZNI-t, si dhe ne web-site, te Drejtorise se Pergjithshme te ALUIZNI-t www@aluizni. gov.al.
Nderkohe ALUIZNI evidenton faktin se te gjitha dosjet e publikuara ne shtyp ditet e fundit jane te kompletuara me dokumentacionin e duhur tekniko-ligjor. Per te marre lejen e legalizimit, pagesa mund te kryhet edhe me bono privatizimi ne sportelet e bankave, duke nisur nga dita e hena, me 5 prill. Per ata qytetare qe kane perfunduar legalizimin dhe kane paguar me leke ne dore, ka afat deri me 12 qershor per te paraqitur kerkesen te ALUIZNI. Me pas ata dorezojne ne banke letrat me vlere ne masen 70 % te shumes se depozituar dhe marrin prej andej, vleren korresponduese te parave. Kurse per qytetaret qe jane ne proces legalizimi, per siperfaqe deri 500 metra katrore jashte vijes se verdhe, me bono paguhet 70 per qind e detyrimit ndaj ALUIZNI-t. Brenda vijes se verdhe, per siperfaqe deri 300 metra katrore do te paguhet 70 per qind me bono, kurse per hapesiren nga 300 ne 500 metra katrore, shkalla e pageses me letra me vlere eshte 50 per qind.