Studentet, te drejte ankese per notat

Senati i Universitetit te Tiranes, pranon kerkesen e studenteve per te apeluar rezultatet e provimeve
Senati i Universitetit te Tiranes ka arritur te miratoje nje "revolucion", sa u perket te drejtave te studenteve. Eshte hera e pare qe ata do te kene te drejten e ankimimit per notat e provimeve, si dhe nuk do te jene "viktima" te testeve shume te veshtira, qe shpesh hartoheshin enkas nga pedagoget. Sipas vendimeve te marra nga senati i UT-se, ne mbledhjen e fundit te tij, studentet do te kene me shume te drejta.
Ankimimi
Per here te pare, studentet do te kene mundesi qe te ankohen zyrtarisht per noten e marre. Ne kuader te ketij vendim qe ka marre senati i UT-se, pedagoget nuk do ta pasqyrojne noten direkt ne procesverbal dhe ta shpallin ate, por do te lihet nje afat kohor qe studentet qe pretendojne se nuk kane marre noten qe meritonin, te kene mundesi ta apelojne ate. Kerkesa u be pak kohe me pare, pasi studentet pretenduan se shpeshhere pedagoget abuzonin me rezultatin, duke i ngelur, apo duke iu vene note me te ulet nga sa meritonin. Megjithese kjo gje ka ndodhur pothuaj rregullisht, studentet nuk e kane pasur te drejten legjitime qe te ankoheshin, e aq me teper te pretendonin ndryshimin e rezultatit. Ankesat mesohet se do t'i shqyrtoje nje komision i posacem, ku eshte kerkuar te jete anetar edhe nje student, ne menyre qe ankuesit te mos i shkelet e drejta dhe rasti i tij te trajtohet me objektivitet.
Vendimet
Duket se abuzimeve te pedagogeve te ashtuquajtur te "veshtire", u ka ardhur fundit. Kjo, sepse ata nuk do te kene te drejte ta hartojne testin sipas qejfit te tyre, por do te marrin "ok" nga shefi i departamentit perkates. Vendimi eshte marre po nga senati i Universitetit te Tiranes, ne mbledhjen e fundit te tij. Keshtu, pedagoget qe shpeshhere i hartonin testet shume te veshtira, me qellim perfitimi, nuk do te mund ta bejne nje gje te tille pasi ne te kundert ata ndeshkohen nga strukturat eprore. Gjithashtu, senati i UT-se ka vendosur qe nje student te merret ne provim, minimalisht nga dy pedagoge. Studentet kane bere edhe mjaft propozime te tjera qe jane ne rrugen e diskutimit. Keshtu, sipas tyre, "ka ardhur momenti qe pedagoget te mos luajne me pushtetin e notes, duke abuzuar me kete te fundit". Sipas tyre, nese nje pedagog e vlereson me shume se kater here me note negative nje student per te njejten lende, atehere ai po abuzon me noten. Per kete arsye, studentet kerkojne ngritjen e komisioneve vleresuese te notave, me qellim nxjerrjen ne pah te se vertetes si dhe vertetimin e "akuzave" te tyre, qe sipas studenteve jane te drejta. Studentet e Universitetit te Tiranes, shpjegojne se eshte e pamundur qe te futesh kater here radhazi ne provim per te njejten lende dhe te mos e marresh ate. Ne te tilla raste ata kerkojne qe te kene te drejten te japin nje lende tjeter si provim, qe te jete e perafert me te.
Rregullorja
Te drejten e studimeve e humbasin studentet, te cilet shpallen perserites te se njejtit vit akademik tri here. Afati maksimal i mbrojtjes se diplomes, eshte deri ne 3 vjet nga koha e perfundimit te studimeve te plota. Brenda ketij afati, studenti ka te drejte te provohet per mbrojtje diplome deri ne kater here.
Senati i UT-se miraton rregulloren e re
Pak dite me pare, eshte miratuar pjesa me e madhe e rregullores se re te Universitetit te Tiranes. Sipas burimeve nga ky i fundit, shumica e anetareve te senatit kane vendosur pro rregullores se re, ne te cilen do te mbeshtetet vijueshmeria e procesit arsimor ne universitetin me te madh ne vend. Ne rregullore, jane te pasqyruara edhe disa nga propozimet e studenteve. Me se shumti behet fjale per anen teknike te funksionimit te arsimit. Studentet e Mjekesise kane kerkuar qe te kene mundesine te permiresojne aq lende, sa vite akademike ka nje program studimi. Gjithashtu, ata kane kerkuar qe te kene te drejte per te apeluar notat, ndersa nuk kane munguar edhe shume e shume propozime te tjera.