Leku nis rritjen e vlerave ndaj euros

Monedha e perbashket, euro ka nisur renien e vlerave ne kembim me monedhen vendase, lekun, gjate ketyre diteve. Agjencite e kembimit e blejne nje euro me 138 leke dhe e shesin me 138.7 leke nga me shume se, 140 leke qe ishte javen qe shkoi. Shkak sipas eksperteve ne agjencite e kembimit valutor, eshte bere renia e kerkeses se madhe per euro qe dy muajt e fundit kishte ndikuar ne forcimin e valutes evropiane. Nga ana tjeter Ministria e Financave, ka llogaritur nje kurs kembimi ndermjet euros dhe lekut ne vleren e 130 lekeve per vitin qe vjen. Me kete vlere do te perllogariten treguesit buxhetore dhe plani i te ardhurave nga doganat. Banka e Shqiperise me pare kishte lajmeruar se, nencmimi i lekut nuk do te vijojne ne periudha afatgjata. Per shkak se stabiliteti makroekonomik i vendit, garanton nje ecuri te qendrueshme afatgjate te lekut ne kembim me valutat e tjera. Vitin qe shkoi kursi mesatar i kembimit te lekut me euron ishte 125 leke, ndersa kete vit kjo mesatare i ka kaluar te 133 leket. Monedha vendase eshte nencmuar dukshem ndaj monedhes se perbashket. Shkak eshte bere ulja e ofertes per valute, qe erdhi si rezultat i renies te prurjeve te emigranteve dhe renies se eksporteve. Duke veshtruar ecurine e tregut te kembimit ne vite, vihet re nje mbicmim i dukshem i lekut ne kembim me valutat kryesore, euro dhe dollarin pas vitit 2000. Ekspertet e ekonomise e shpjegojne kete fenomen me vetite e ekonomive ne zhvillim, ku monedhat kombetare kane tendencen e forcimit te vazhdueshem.