Lëndim i rëndë i Afellayt
Nga Express më 23 shtator 2011 në ora 17:15
Lajme të këqija për Barcelonën dhe trajnerin Pep Guardiola. Mesfushori Ibrahim Afellay ka pësuar një lëndim të rëndë në gjurin e tij dhe do të qëndron jashtë fushës për gjashtë muaj ka njoftuar gjiganti katalan të premten.
Barcelona sapo kishte mirëpritur 25 vjeçarin nga rikthimi në formën e tij të mirë fizike pas një dëmtimi në ndeshjen përgatitore kundër Manchester Unitedit. Mirëpo, reprezentuesi holandez dëmtoi ligamentet e gjurit dhe do t’i kthehet ekipit në vitin e ardhshëm.
Afellay u transferua në Barcelonë në janar nga PSV Eindhoven dhe bëri 17 paraqitje në La Liga.