Lesi: Berisha, largo Ndoken, ose ika
Kreu i LDK-se, Nikolle Lesi, me ane te nje konference per shtyp i beri te qarte Kryeministrit Berisha se asnje nga forcat kundershtare me Ndoken nuk do te bashkepunonte me mazhorancen aktuale, nese ai nuk shkarkonte ministrin e Shendetesise nga kabineti i tij. "Ne do te bashkepunojme me Berishen, vetem nese ai nuk ben marreveshje me Nard Ndoken", deklaroi dje ne menyre te prere kreu i LDK-se. Sipas Lesit, Ndoka nuk mund te vazhdoje me te jete pjese e mazhorances dhe aq me teper te vazhdoje te qendroje ne detyren e tij si minister i Shendetesise. Sipas kreut te Levizjes Demokristiane, Lesi, eshte vete Partia Demokristiane, ajo qe e ka perjashtuar Ndoken "de facto" nga kjo force politike dhe qe do ta shkarkoje edhe "de jure" ne kongresin e jashtezakonshem qe eshte parashikuar te mbahet nga kundershtaret e Ndokes brenda dhe jashte partise, me 10 maj. Nga ana e tij, kreu i demokristianeve e ka konsideruar si jo legjitim kongresin qe do te mbajne kundershtaret e tij, duke theksuar se ai eshte edhe drejtuesi legjitim i PDK-se, duke qene se eshte zgjedhur ne menyre normale nga vete strukturat e kesaj partie. Ende nuk dihen edhe kushtet, ne te cilat do te zhvillohet kongresi i jashtezakonshem i PDK-se, por ajo qe mbetet eshte se tashme kjo parti ka rene serish ne hulline e viteve me pare, kur aspirantet per kreun e saj perplaseshin per vulen. F.M