Lesi gati largimi nga mazhoranca. Takime me PDK-ne e Nard Ndokes

Skena politike shqiptare po fillon te ofroje surpriza interesante sa me shume zgjedhjet parlamentare te vitit te ardhshem po afrohen. Pervecse interesit te dy partive te medha ne vend per te afruar rreth vetes sa me shume parti te vogla muajt e fundit eshte vene re edhe nje tendence bashkimi dhe aleancash ne horizont mes ketyre partive te vogla. Nje levizje e tille ishte edhe ajo e djeshme mes Levizjes Demokristiane te drejtuar nga Nikoll Lesi dhe Partise Demokristiane te Nard Ndokes. Burimet bejne te ditur se pasditen e djeshme perfaqesuesit e ketyre dy forcave politike kane zhvilluar nje takim i cili ne qender te diskutimit ka pasur pikerisht bashkimin e ketyre dy partive ne nje te vetme. Ky takim eshte konfirmuar edhe nga vete kryetari i LDK-se Nikoll Lesi i cili eshte edhe zevendesministri i Kultures dhe Turizmit prane qeverise Berisha. Sipas Lesit bashkimi i ketyre dy partive qe ne thelb kane nje program teper te ngjashem politik eshte i domosdoshem per demokristianet shqiptare. Kreu i LDK-se thekson gjithashtu se nje bashkim i tille do te ishte i lerverdishem edhe nga pikepamja elektorale sepse ne zgjedhjet e fundit parlamentare te vitit 2009 keto dy forca moren se bashku 80 mije vota. Ne fakt te dyja keto parti kane rrenje te njejta dhe Nikoll Lesi ka qene pjese e PDK-se deri ne vitin 2007 kohe ne te cilen formoi edhe Levizjen Demokristiane te Shqiptareve. Por e ndryshme ka qene rruga e ketyre partive pas ketij viti ku PDK-ja e vijon misionin e saj ne opozite ndersa LDK-ja prane mazhorances.