Levizja Vetevendosje zhvillon proteste kunder vizites se presidentit serb

Ne Kosove levizja Vetevendosje dhe disa organizata joqeveritare organizuan protesta kunder vizites se presidentit te Serbise Boris Tadic i cili do te qendroje atje me rastin e kremtimit te Krishtlindjeve ortodokse. Ndonese vizita ishte parapare te ishte e karakterit fetar dhe pelqimin per te e ka dhene edhe qeveria e Kosoves protestuesit thane se ajo eshte thellesisht politike.

Ne Kosove levizja Vetevendosje dhe disa organizata joqeveritare  organizuan protesta kunder vizites se presidentit te Serbise Boris Tadic i cili po qendron atje me rastin e kremtimit te Krishtlindjeve ortodokse. Ne oret e mbremjes protestuesit hodhen gure mbi autokolonen me te cilen presidenti serb arriti ne manastirin mesjetar te Decanit ne Kosoven perendimore. Veprimtaret e levizjes Vetevendosje thane se 20 pjesetare te kesaj levizjeje kane kerkuar ndihmen e mjekut pas nderhyrjes se policise per te shperndare protestuesit.

Policia tha se ka mbajtur te ndaluar per disa ore te pakten 13 pjesetare te levizjes Vetevendosje te cilet kishin provuar te bllokojne rrugen qe con nga Prishtina ne vendkalimin kufitar ndermjet Kosoves dhe Serbise ne Merdare. Protesta gjate dites jane mbajtur edhe ne Peje e Decan ku ndodhen dy nga objektet me te rendesishme ortodokse ku sonte dhe neser do te qendroje presidenti serb Boris Tadic dhe delegacioni i tij ne te cilin bejne pjese edhe ambasadoret e Rusise dhe Bjellorusise. Protestuesit nuk kane lejuar levizjen e automjeteve qe mbanin targa te regjistrimit te Serbise ndersa akuzuan presidentin serb Boris Tadic se ka nje qasje te njejte ndaj Kosoves sikurse edhe ish presidenti serb Sllobodan Milloshevic. Njesite e posacme te policise se Kosoves jane angazhuar ne ruajtjen e sigurise ndersa policia e EULEX-it dhe forcat e KFOR-it jane perfshire ne sigurimin e delegacionit serb. Disa qindra protestues kane vazhduar te qendrojne ne Decan deri ne oret e mbremjes. Protestuesit kritikuan edhe pushtetin ne Kosove i cili ka dhene pelqimin per kete vizite ndonese me kushtin qe ajo te mos shfrytezohet per qellime e deklarime politike.

Vezhguesit e pavarur thone se vizita e presidentit serb Boris Tadic ne Kosove me gjithe karakterin fetar eshte ne funksion te forcimit te pozites se tij politike para zgjedhjeve te radhes ne Serbi.

Autoritetet me te larte te Kosoves pergezuan sot besimtaret ortodoks me rastin e krishtlindjeve duke bere thirrje per ruajtjen e paqes dhe tolerances fetare e etnike ne Kosove.

Vizita e presidentit serb Boris Tadic ne Kosove ndodhe ne nje periudhe kur serbet ne veriun e Kosoves kane vendosur qe te organizojne nje referendum me te cilin qytetaret serb ne ate zone do te deklarohen nese duan apo jo te pranojne institucionet e Kosoves. Kjo nisme sipas autoriteteve ne Prishtinen nuk ka rrjedhoja pozitive per serbet ne veri pervec vazhdimesise se tensioneve.

Perfaqesuesit e serbeve ne veri qe po vazhdojne te mbajne te bllokuara rruget ne ate zone ne shenje kundershtimi ndaj shtrirjes se autoritetit te Prishtines thane se referendumi do te forconte edhe pozicionin e Serbise ne bisedimet me Kosoven ndersa u shprehen te habitur me kundershtimin e pushtetit ne Serbi. Por perfaqesuesit e qeverise se Serbise thane se referendumi eshte i panevojshem dhe ai vetem sa mund te thelloje ndarjet ndermjet vet serbeve dhe ve ne situate jo te mire serbet qe jetojne ne jug te lumit Iber. Madje perfaqesuesit e pushtetit serb thane se referendumi eshte vendim politik i opozites serbe e cila sic thuhet me hapa te tille vetem sa po synon ta bllokoje rrugen evropiane te Serbise. Serbia deshtoi te marre muajin e kaluar statusin e vendit kandidat per anetaresim ne Bashkimin Evropian per shkak te zhvillimeve ne veriun e Kosoves.