Lexuesit britanikë, pre e sulmeve kibernetike

Gazeta britanike në pronësi të Rupert Mërdokut ka paralajmëruar lexuesit se mund të jenë vjedhur të dhënat e tyre personale gjatë një sulmi kibernetik, muajin e kaluar.

Adresat, ditëlindjet dhe numrat e telefonit të lexuesve që morën pjesë në konkurset në internet, mund të jenë vjedhur gjatë sulmit të gazetës " The Sun" më 19 korrik.

Grupi i hakerëve LulzSec ka marrë përgjegjësinë për sulmin. I njëjti ka kryer sulme edhe ndaj bizneseve ndërkombëtare dhe agjensive qeveritare, përfshirë këtu Agjencinë Qëndrore të Inteligjencës në Shtetet e Bashkuara dhe gjigandin elektronik Sony.