Lezhë- Aksident rrugor, makina përplaset me biçikletën, plagoset një 12-vjeçar, por është jashtë rrezikut për jetën

Një aksident rrugor ka ndodhur rreth orës 19:40 në fshatin Mylte të Lezhës, ku një automjet ka përplasur një biçikletë të drejtuar nga një i mitur rreth 12 vjeç.

Si pasojë e përplasjes, 12-vjeçari ka pësuar dëmtime dhe është dërguar menjëherë në Spitalin e Traumës. Fatmirësisht, sipas informacioneve paraprake nga autoritetet, i mituri ndodhet jashtë rrezikut për jetën.

Drejtuesja e automjetit, shtetasja D. N., 39 vjeçe, është shoqëruar në Komisariatin e Policisë për veprime të mëtejshme procedurale.

Grupi hetimor ndodhet në vendngjarje dhe po punon për të sqaruar plotësisht rrethanat e aksidentit.

/rtsh.al/