Liberalizohen vizat mungojne kuponet per pasaporta biometrike
Ne nje kohe kur ministrat e Brendshem te BE-se moren vendimin historik per heqjen e regjimit te vizave per Shqiperine ne disa qytete te vendit nuk ka pasur kupone per te aplikuar per pasaportat biometrike. Keshtu dje qytetaret shkodrane nuk kane mundur te pajiseshin me kupone per pasaporta biometrike. Shkak per kete situate te krijuar eshte bere mungesa e kuponeve ne sportelet e postes. Pritej qe situata te normalizohej pas mesdites pasi do te vinin kuponet nga Tirana. Qytetaret me shume se te shqetesuar jane shprehur te habitur se si ka mundesi qe ne kete dite historike per Shqiperine te mos kete kupone per pasaportat biometrike. Te pakten sot qe hiqen vizat te mos e kishin lene sportelin pa kupone. E pritem me shume se gjysme shekulli kete dite Europa na hap dyert ndersa ne ende nxjerrim probleme qesharake duke thene se nuk ka kupone ankohen qytetaret.
Prej disa ditesh qytetaret durrsake jane kthyer duarbosh pasi ne sportelet e postes nuk ka pasur asnje kupon per tu tregtuar. Punonjeset e postes deklarojne se kuponet pritet te mberrijne se shpejti duke zgjidhur perfundimisht shqetesimin e shume njerezve qe kerkojne te pajisen me dokumentin e vetem te vlefshem per te udhetuar ne zonen Shengen. Nderkohe te tjere qe jane interesuar per kuponet 15 mije lekesh te sherbimit te shpejte te pajisjes me pasaporten biometrike dhe gjithashtu jane kthyer duarbosh pasi ato ofrohen vetem ne Tirane per te gjithe qytetaret. Edhe qytetaret e Elbasanit nuk arriten te aplikojne per pasaporta biometrike ne diten e marrjes se vendimit per liberalizimin e vizave. Qe prej disa ditesh ne rajonin e Elbasanit ne asnje prej degeve te Albapostes nuk shitet kuponi i pasaportes biometrike ne nje kohe qe cdo dite ka nje fluks prej afro 500 shtetasish te cilet kerkojne ta blejne ate.
Sakaq ne posten qendrore te Vlores prej me shume se nje jave mungojne kuponet per te aplikuar me pas per pasaporten biometrike. Shume qytetare u jane drejtuar dhe postave me te vogla per tu pajisur me kete kupon si ne Bashkine e Orikumit por dhe atje ka pasur mungese kuponesh.