Libi 25 mije mercenare per Gaddafi-n
Mercenarët që luftojnë për Gaddafi-n kundër revoltës popullore në Libi janë rreth 25 mijë.
Lajmin e ka bërë të ditur zëdhënësi i Lidhjes libike për të drejtat e njeriut, Ali Zeidan, sipas të cilit jo të gjithë kanë zbritur në fushën e betejës.
Sipas zëdhënësit, shumica e tyre vijnë nga Cadi, Nigeria, Mali, Zimbabve dhe Liberia.
Zeidan ka shtuar më tej se drejtuesit e mercenarëve paguhen 2 mijë dollarë në ditë, ndërsa ushtarët 300.
Në Tripoli, ka saktësuar ai, ndodhen rreth 3 mijë mercenarë, ndërsa rreth kryeqytetit rreth 3 mijë të tjerë.