Libi: Kryengritësit, ultimatum lojalistëve të Gaddafit

Kryengritësit në Libi u kanë dhënë ultimatum forcave lojale ndaj Muamer Gadafit, që deri të shtunën, të dorëzohen, ose në të kundërtën, do të ballafaqohen me forcën ushtarake.

Lideri i Këshillit Tranzicional Kombëtar të kryengritësve në Libi, Mustafa Abdul Xhalil, u tha reporterëve në qytetin Bengazi, se po zhvilloheshin bisedime me zyrtarët e qytetit të lindjes së Gadafit, Sirte, dhe me ata të qyteteve të tjera, për çështjen e dorëzimit.