Liga Arabe i bën Sirisë propozime për reforma

Gjatë një takimi në Doha, kryeqytetin e Katarit, ministra të Ligës Arabe i dorëzuan një delegacioni nga kryeqyteti sirian, Damask, propozime për reforma për zgjidhjen e konfliktit.

Në të njëjtën kohë, ata i bënë sërish thirrje kryetarit të diskutueshëm të shtetit, Bashar al-Assad, që të ndalë menjëherë gjakderdhjen.

Në Siri dolën në rrugë përsëri përkrahës të shumtë të opozitës.

Ata i bënë thirrje Ligës Arabe që të pezullojë anëtarësinë e Sirisë. Më parë Assadi e kishte paralajmëruar Perëndimin prej ndërhyrjes.

Një ndërhyrje e tillë do të shkaktonte një "Afganistan të dytë", kërcënoi ai në një intervistë për një gazetë.

Kryeministri i Katarit, Hamad bin Jasim al-Thani, kryesoi bisedimet në kryeqytetin e vendit, Doha.

Ai tha se Sirisë i është paraqitur një propozim “pozitiv” dhe “serioz”, që duhet të vihet në zbatim menjëherë.

Al-Thani tha se lidhja të mërkurën do të vendosë se çfarë masash do të marrë ndaj Sirisë,

pasi të dëgjojë përgjigjen e qeverisë së Assadit.