Ligjet me 3/5, debate PD-PS në Komision

TIRANË- Debate pozitë-opozitë në Komisionin e Ligjeve. Në nisje të mbledhjes së sotme, gjatë shqyrtimit të kalendarit të punimeve, deputetët e opozitës janë shprehur kundër shqyrtimit të ligjeve që kërkojnë shumicë të cilësuar, për të cilat, sikundër edhe në Konferencën e Kryetarëve kane kërkuar më shumë kohë.

Deputeti Fatmir Xhafaj deklaroi se në të mirë të reformave është kërkuar më shumë kohë për liget që kërkojnë 3/5 e votave, por një kërkesë e tillë u quajt si e papranueshme nga maxhoranca.

Kreu i Komisionit të Ligjeve, Ilir Rusmajli ka theksuar se koha e shqyrtimit të ligjeve me 3/5 parashikohet në kalendar. Këto janë cështje teknike të rikuperueshme. Ju kërkoni kohë të pacaktuar për ligjet me 3/5- tha ai.

Në Konferencën e Kryetarëve opozita nuk miratoi kalendarin tre javor të punimeve të Kuvendit, ndërkohë që në të u përfshinë ligjet me 3/5 e votave pa konsensusin e saj.