Ligji per kompetencat e Topit, shtyhet votimi
Kuvendi nuk arriti te miratoje dje ndryshimet ne rregulloren e Kuvendit, qe i japin me shume fuqi ketij institucioni ne shqyrtimin e dekreteve te presidentit per organet kushtetuese. Kercenimi i opozites se nuk voton nje nisme te rendesishme me procedure te pershpejtuar dhe kerkesat te disa deputeteve demokrate si Besnik Mustafaj per reflektim, coi ne shtyrjen e votimit. Ndonese maxhoranca e percaktoi daten 30 qershor per votim, si per ti paraprire dorezimit te kandidaturave te reja te presidentit Bamir Topi per anetare te Gjykates se Larte. "Une do e votoj, por sugjeroj qe ta shtyjme per te enjten votimin, pasi ka propozime te ndryshme", sugjeroi deputeti aleancist Neritan Ceka, i vetmi opozitar qe pranoi te qendroje dhe votoje ndryshimet ne salle. Propozimi u miratua menjehere nga kryetarja e Kuvendit Jozefina Topalli, duke qene se prej oresh po diskutohej gjate dhe ne salle u bene sugjerime te ndryshme. Konsensusi me dy paleve nuk i pelqeu aspak kryetarit te grupit demokrat, Astrit Patozi, i cili kerkoi votim, por pa rezultat. Grupi socialist zgjodhi bojkotin e seancave plenare, deri sa maxhoranca te bindet qe ndryshimet ne rregullore duhet te behen pas disa shqyrtimeve e diskutimeve. "Per to duhet te ngrihet nje grup pune, se jane bere disa propozime te ndryshme", tha kryetarja e grupit socialist Valentina Leskaj, duke ftuar deputetet ne bojkot. Ndersa deputeti i LSI, Pellumb Xhufi kerkoi qe rregullorja te mos ndryshoje fare kur behet fjale per dekretet e presidentit. "Ndryshimet qe kerkojne PD-PS te bejne jane nje perpjekje te drejtperdrejta per te kufizuar Presidentin e Republikes. Ju jeni per te rritur ne menyre abuzive pushtetin e Kuvendit, ne jemi absolutisht kunder", tha Xhufi. Sipas tij, nuk eshte aspak e nevojshme qe te zhvillohen seanca degjimore per kandidatet, e aq me pak te pyetet dhe SHISH apo SHIU per to. Po keshtu u shpreh dhe deputeti i pavarur, Spiro Peci. Sipas tij, duke qene se propozimet e partive politike jane te ndryshme, atehere ka nevoje per diskutime. Ndersa Petro Koci i vleresoi ndryshimet si nje tjeter pakt politik mes kryeministrit Sali Berisha dhe kryetarit te PS-se Edi Rama. "Eshte nje tjeter inskenim Rama-Berisha. Eshte nonsens per PS-ne, po shpresoj qe ajo te reflektoje mbi zhvillimet e fundit politike, sepse ju i dhate gjemen parlamentarizmit ne 21 prill me votimin e ndryshimeve ne kushtetute", akuzoi Koci. Propozimet per ndryshimin e rregullores se Kuvendit do te shqyrtohen dhe njehere ne Keshillin per Rregulloren, Mandatet dhe Imunitetet. Aty do te vendoset ne nje draft te vetem per ta risjelle ne seance diten e enjte. Rozeta Rapushi