Limaj: Thaçi vendosi vetë për koalicionin

Nënkryetari i PDK-së, Fatmir Limaj ka deklaruar se në partinë e tij, 99 për qind të gjërave i bënë kryetari i partisë Hashim Thaçi. Megjithatë, ai i tërheq vërejtjen në punën që po bën, duke e paralajmëruar se do t`i kërkojë përgjegjësi.

Limaj ka lëshuar deklarata të ashpra në drejtim të kryetarit të partisë së tij duke thënë se në zgjedhjet e fundit ishte Thaçi ai që udhëhoqi vet partinë, përpiloi listën për deputetë, bëri koalicionin dhe i caktoi ministrat.

“Ai ka vendosur edhe për koalicionin, ne s`kemi rënë dakort për të. Nëse i bën keq punët, atëherë duhet me dhënë përgjegjësi. Do të ia kërkoj përgjegjësinë nëse dështon por edhe ta përkrahim nëse ka suksese”, ka thënë Limaj.