Lista e barnave propozimet te vijne edhe nga mjeket

Lista e barnave me rimbursim duhet te krijohet sipas modelit cilesi dhe efektshmeri. Medikamentet me te cilat trajtohen disa kategori pacientesh ne vendin tone ne menyre te vecante mosha e trete duhet te jene barna me patente te provuara me teste klinike nderkombetare se jane cilesore dhe te referuara ne protokollet e mjekimit ne vendet me te zhvilluara.

Konkretisht mjeket te cilet trajtojne paciente kronike te semundjeve te ndryshme kerkojne qe te merret mendimi i tyre lidhur me trajtimet dhe barnat qe duhet te permbaje lista e re e rimbursimit ne menyre qe trajtimi te jete eficient dhe pacientet te kurohen sic duhet. Ajo qe kerkojne mjeket eshte qe barnat me rimbursim te jene me patjeter cilesore dhe jo xhenerike. Keto ilace kane te njejtat substanca si ilacet qe jane me patente por kane ndryshime nga 20-30 per qind nga lloji i pare. Barnat xhenerike ose alternativat e para dhe te dyta jane perdorur gjeresisht ne listen e barnave. Kjo ka qene edhe arsyeja e ankesave te Shoqates se Pensionisteve por edhe mjekeve. Publikisht dy dite me pare ka reaguar per problemin dhe shqetesimin e cilesise se barnave edhe shoqata e urologeve. Kreu i kesaj shoqate Flamur Tartari ka sqaruar listen e barnave per kategorine e pacienteve qe vuajne nga prostata.

Sipas kreut te shoqates se urologeve barnat e listes nuk jane te efektshme prandaj eshte e nevojshme qe kur hartohet lista e barnave te merren parasysh me prioritet mjeket specialiste sidomos shefat e sherbimeve ne spitalin me te madh te vendit qendren spitalore universitare Nene Tereza.

Duke nisur nga kjo jane prane Drejtorise se Farmaceutikes ne Ministrine e Shendetesise shefat e sherbimeve specialistet por edhe mjeket e poliklinikave apo qendrave shendetesore duhet te depozitojne propozimet dhe sugjerimet e tyre per barnat qe duhet te permbaje lista e re. Por keto sugjerime duhet te jene te argumentuara sipas nje logjike e cila verteton se barnat e propozuara jane me te mira se ato te perfshira ne listat e kaluara te rimbursimit.

Edhe per kete vit zgjedhja e barnave qe do te jene pjese e listes do te jete nje pune shume e veshtire per komisionin. Kjo duke qene se cmimi i euros dhe dollarit me te cilen blihen barnat ne tregun nderkombetar eshte rritur. Nisur nga kjo buxheti i shendetesise akorduar listes se barnave duhet te perballoje si rritjen e cmimit te euros ne tregun e valutes ashtu edhe rritjen e semundshmerise ne radhet e shqiptareve.

Komisioni i hartimit dhe shqyrtimit te listes se barnave do te mblidhet periodikisht deri ne vendosjen perfundimtare te listes se re e cila mendohet se do te hyje ne fuqi ne janar te vitit 2011. Sipas udhezimit ne dhjetor lista e barnave duhet te jete gati per miratim ne deren e Keshillit te Ministrave.