Listat e zgjedhesve, me 7 mars Rozeta Rapushi
Ne diten e dyte te vizites se tij ne Tirane, Sekretari i Pergjithshem i OSBE-se, Marc Perrin de Brichambaut, i beri apel politikes qe te respektoje Kushtetuten, institucionet dhe procesin zgjedhor. Gjate takimeve te zhvilluara me drejtues te pushtetit lokal ne dy qytete, Durres dhe ne Elbasan, Brichambaut, tha se mesazhi i tij per politiken, eshte i njejte, te respektojne ligjet dhe procesin zgjedhor, eshte populli ai qe zgjedh. Takimin e pare, zyrtari i OSBE-se, e zhvilloi ne Durres me kryetarin e baskise, Vangjush Dako. "Jam shume i kenaqur me ato cka degjova per pergatitjen e listave te zgjedhjeve. Ne e dime qe ka nje interes shume te madh ne nivel lokal per pergatitjen e zgjedhjeve lokale. Vete njerezit jane shume te interesuar dhe duan te dine, se cilin do te kene kryetar bashkie apo anetar te keshillit bashkiak. Ne shpresojme shume qe te jete nje debat i hapur, debat demokratik, por mbi te gjitha qe te respektoje pikepamjet e te gjitheve. Procesi i demokracise permireson cdo proces konsultimi dhe ky konsultim duhet te jete nje konsolidim i metejshem i te gjitha praktikave te tjera",-tha dje Brichambaut. Ndersa nga qyteti i Elbasanit, ai dha mesazh te qarte per politiken qe te respektoje Kushtetuten edhe ligjet. "Jam ketu per te ndihmuar dhe monitoruar. Mesazhi im per partite politike eshte i njejte: Te respektojne Kushtetuten, institucionet e procesin zgjedhor", tha Brichambaut. Duke theksuar se eshte ne Shqiperi per te degjuar ne radhe te pare ankesat, por edhe qe te monitoroje e ndihmoje, Brichambaut shtoi edhe faktin se politikanet duhet te kene besim tek njeri-tjetri, pasi zgjedhjen e ben populli. "Eshte populli ai qe ben zgjedhjet, prandaj politikanet duhet te kene besim tek njeri-tjetri", shtoi Sekretari i Pergjithshem i OSBE-se. Ne keto takime, kreret e bashkise e siguruan per perfundimin e shpejte te listave te zgjedhesve. Kryetari i bashkise, Vangjush Dako, pasi falenderoi prezencen e OSBE ne Tirane, per mbeshtetjen qe jep ne kete proces, tha se "ne qytetin e Durresit brenda 7 marsit do te perfundoje korrigjimi i listave zgjedhore qe jane publikuar dy muaj me pare. Shume shpejt ne do te kemi gati listat perfundimtare te zgjedhesve ne qytet", siguroi Dako. Sekretari i Pergjithshem i OSBE-se, Marc Perrin de Brichambaut, ndodhet prej dy ditesh ne vendin tone. Dy dite me pare, ai zhvilloi takime me Presidentin e vendit, Bamir Topi, kryetaren e Kuvendit, Jozefina Topalli, kryeministrin Sali Berisha, si dhe liderin e opozites Edi Rama. Nderkohe qe takime u zhvilluan edhe me ministrin e Mbrojtjes, Arben Imami.