Arvizu: Suksesi i reformave ne Shqiperi, i pranuar gjeresisht nga nderkombetaret

Shtetet e Bashkuara te Amerikes garantojne se do te mbeshtesin reformat per biznesin ne Shqiperi. Si dhe se vleresuan dje qeverine per masat e marra per transparence te madhe. Keto qendrime u bene dje nga Ambasadori i SHBA-ve, Aleksander Arvizu, gjate inaugurimit te Qendres se Sherbimit per Tatimpaguesit e Tiranes. Duke e konsideruar kete qender, si model i ri per te rritur transparencen mes qeverise dhe shqiptareve, Arvizu u shpreh se i lane mbresa masat e medha te marra per sa me shume transparence. "Ky projekt eshte nje pune e madhe dhe me investime domethenese. Me la mbresa teknologjia dhe masat e marra per te pasur nje transparence me te madhe mes qeverise dhe shqiptareve",-theksoi Arvizu. Ne kete aspekt, ai siguroi dje se qeveria amerikane do te vijoje te mbeshtese reformat per biznesin ne Shqiperi dhe se kjo qender e re, e sapo ngritur, eshte rezultat i bashkepunimit te suksesshem mes qeverise dhe programit te Korporates Sfida e Mijevjecarit. Diplomati amerikan, vleresoi gjithashtu, se "reformat ku perfshihet Qendra Kombetare e Regjistrimit, prokurimet elektronike, deklarimet elektronik te tatimeve, qendra kombetare te licencimit, kane pasur sukses. Suksesi i tyre eshte pranuar gjeresisht nga organizatat nderkombetare, perfshire Banka Boterore, FMN dhe Kombet e Bashkuara. Vecanerisht perfitimet e qeverisjes elektronike dhe lidhja me rrjet e mjediseve qe ofrojne sherbim per klientin e bizneset shqiptare",-theksoi Arvizu. Nga ana tjeter, ai vleresoi se keto po e permiresojne zhvillimin politik dhe ekonomik te Shqiperise. "SHBA mbeshtet te gjithe keto reforma qe jane ndermarre nga ky projekt nga qeveria e Shqiperise, komuniteti shqiptar i biznesit dhe publiku i gjere", siguroi diplomati.