Liverpooli, paralajmëron përforcime

Liverpooli do të përforcohet gjatë afatit kalimtar të janarit, ka njoftuar menaxheri Brendan Rodgers. Ish strategu i Swansea, i cili zëvendësoi Kenny Dalglishin para fillimit të këtij stinori, ka bërë një fillim dëshpërues të aventurës së tij në Anfield Road duke fituar vetëm dy prej nëntë xhirove të para në Premierligë.

Liverpooli po ashtu u eliminua nga League Cup nga Swansea të mërkurën, rezultat që konfirmoi mungesën e një skuadre të kompletuar, sidomos në repartin sulmues. Lëndimi i përforcimit të bërë gjatë verës, Fabio Borini, i përcjell me largimin e Andy Carrollit si huazim në West Ham, ka lënë vetëm Luis Suarezin si opsion në sulm.

“Jam në bisedime me pronarët rreth përforcimit të skuadrës. Ne e dimë se duhet të përforcohemi. Do të kemi fonde. Prioriteti është të sjellim futbollistë që do të na ndihmojmë në ndërtimin e skuadrës. Kemi ekip të vogël në numër”, deklaroi Rodgers për BBC Sport.

Liverpool aktivizoi skuadër shumë të re në derbin e Merseyside kundër Evertonit fundjavën e shkuar me tinejxherët Raheem Sterling, Suso, Jonjo Shelvey dhe Andre Wisdom.