Lokalet e nates, tmerri i pushuesve

Pushuesve u jane kthyer pushimet ne nje makth per shkak te zhurmave qe shkaktojne lokalet e nates. Ndersa kane shkuar per t'u clodhur dhe per te kaluar disa dite te bukura pushimesh, gjate nates, ata jane perballur me zhurma shume te forta te diskove, pub-eve apo night-club-eve. Turistet jane ankuar, duke u shprehur se naten kane nevoje per qetesi, ne menyre qe te jene te clodhur gjate dites, duke ia percjelle kete shqetesim punonjesve te bashkive te rretheve perkatese ku eshte shfaqur ky problem. Kjo ka bere qe specialistet e Institutit te Shendetit Publik, te dalin ne terren per te vleresuar situaten. Nga keto vezhgime ka rezultuar se lokalet e nates ne zonat bregdetare, e injorojne teresisht ligjin per zhurmat akustike duke mos marre asnje leje per to ne bashki dhe ne komuna, sic e parashikon ligji. Fizikani Arti Cicolli, specialist per zhurmat ne Institutin e Shendetit Publik ka deklaruar se per te vene ne kontroll situaten, nevojitet bashkepunim midis pushtetit qendror dhe atij lokal. Sipas nje studimi, zonat te cilat kane trafik te madh edhe gjate oreve te nates por dhe ato qe kane lokale dhe bare te cilat "servirin" zhurma deri ne oret e vona shkaktojne probleme shendetesore tek banoret e ketyre zonave. Sipas specialisteve te dhenat e studimit kane treguar se pasojat kane qene me te renda sec mund te ishin imagjinuar. Nese mendohej per nje gjendje te pergjumur ne diten e pasme, studimi ka treguar se personat qe kane perjetuar nje nate te zhurmshme paraqesin gjendje te stresit por deri ne depresion. "Keta persona nuk jane ne gjendje te punojne, pasi kane nje mungese te theksuar te perqendrimit ne pune. Po keshtu nese gjendja e pagjumesise per shkak te zhurmave zgjat per nje kohe te gjate, kthehet ne nje gjendje depresive tek keta persona" thuhet ne studim. Sipas ketij te fundit, nje nga shkaktaret e tjere te ketyre gjendjeve eshte edhe trafiku. "Ne ato institucione qe ndodhen prane kryqezimeve te medha, bulevardeve apo rrugeve kryesore, tek punonjesit reflektohet nje lodhje e herepashershme dhe gjendje stresi per shkak te ketyre zhurmave qe krijohen nga makinat' theksohet ne studimin e ISHP-se. Niveli me i larte i ndotjes akustike mbetet ne Tirane dhe kjo nga trafiku i makinave, levizjet e medha, numri i madh i popullsise por edhe baret dhe lokalet e shumta. Nderkohe qe ne periudhen e veres keto zhurma zhvendosen edhe drejt qyteteve bregdetare ku lokalet ofrojne muzike "live" deri ne oret e para te mengjesit per nje pjese te pushuesve.

Pasojat, te rrezikshme

Zhurmat akustike jane shkaktaret e stresit, lodhjes dhe ndonjehere edhe te depresionit tek shume persona. Personat, te cilet kalojne nje nate pa gjume apo qe bejne gjume te crregullt per shkak te zhurmave, kane probleme te renda.