Luhatja e temperaturave, dhjetera te moshuar ne kardiologji

Ndryshimi i theksuar i temperaturave ka dhene efektet e tij te padeshirueshme gjate diteve te fundit. Dhjetera te moshuar kane perfunduar ne dyert e Urgjences se Spitalit te Semundjeve te Brendshme, per shkak te shqetesimeve me tensionin e larte te gjakut dhe me problemet kardiovaskulare. Madje ky numer se fundmi ka arritur deri ne 100. Sipas specialisteve, kjo kategori duhet te ruhen nga ulja e tensionit dhe komplikacionet e tjera qe mund t'u sjellin semundjet e zemres. Po sipas specialisteve, te moshuarit ne asnje menyre nuk duhet te dalin jashte nga ora 10-17. Nje keshille e tille vlen sidomos per ata qe vuajne nga zemra dhe nga diabeti, por nese dalin duhet ta mbulojne koken me kapele republike ose shami. Gjate dites duhet te marrin te pakten 2 litra lengje (preferohet uje pa gaz). Nese mjeket ua kane ndaluar perdorimin e ujit te tepert (si ne rastin e personave qe jane me semundje veshkash) duhet te konsultoheni me mjekun rreth sasise qe duhet te perdorni. Keshillat e tjera lidhen me konsumimin sa me shume te frutave sezonale, mosperdorimin e yndyrave me origjine shtazore (gjalpe ose dhjame), dhe nga ana tjeter keshillohet te pakesohet perdorimi i kripes. Pervecse duhet t'i perdorin ilacet ne menyre korrekte, te moshuarit duhet gjithashtu qe te matin sa me shpesh tensionin e gjakut. Nga ana tjeter, ne rast dhimbje koke, marrje mendsh apo dehidrim, duhet patjeter te paraqiten tek mjeku per keshillim dhe per te marre mjekimin e duhur. Mjeket specialiste keshillojne qe anetaret e familjes, te afermit apo fqinjet t'i ndjekin me kujdes dhe te interesohen per te moshuarit disa here ne dite. Te moshuarit duhet patjeter te mbajne dokumente identifikimi me vete, si: Leternjoftime, pasaporte, libreze shendeti ,etj. Mundesisht, keshillohet qe ata te lahen cdo dite. Nga ana tjeter, ecjet ne ajer te paster, apo ne breg te detit, ndikojne shume ne shendetin e tyre. "Vishuni me rroba sa me te lehta dhe mundesisht me ngjyra te celeta", keshillojne mjeket specialiste. Ana sugjerojne qe te moshuarit te eliminojne udhetimet e gjata, apo edhe banjot e diellit. Pak kohe me pare dy persona humben jeten, si pasoje e temperaturave te larta qe "pushtuan" vendin tone. Keshtu, nje i moshuar nderroi jete si pasoje e nje ataku ne zemer per shkak te vapes, ndersa nje tjeter vdiq si pasoje e dy infarkteve te njepasnjeshme. Sipas familjareve, viktimat nuk vuanin nga semundjet e zemres por mjekoheshin per tension te larte te gjakut. Ne kete menyre, ata qe kane probleme te tilla nuk duhet t'i anashkalojne keshillat e mjekeve, ndersa duhet te kontrollohen ne menyre te njepasnjeshme te specialistet. Kjo, ne menyre qe te shmangin situata te rrezikshme per jeten e tyre.

Keshilla per te moshuarit

Mos dilni jashte nga ora 10-17

Nese dilni mbulojeni koken me kapele

Konsumoni te pakten 2 litra lengje

Konsumoni sa me shume fruta

Mos perdorni yndyra me origjine shtazore

Matni shpesh tensionin e gjakut

Mundesisht duhet te laheni cdo dite

Ecni sa me shume ne ambiente te gjelbra

Vishuni me rroba te lehta

Eliminoni udhetimet e gjata

Mos beni banjo dielli