Lufta/ Erdogan: Qëllimi ynë është të ndalojmë gjakderdhjen, paqja arrihet me diplomaci
“Qëllimi ynë është të ndihmojmë në ndalimin e gjakderdhjes sa më shpejt të jetë e mundur”, kështu është shprehur presidenti turk Rexhep Tajip Erdogan duke folur për luftën në Ukrainë në samitin e gjashtë të Konferencës për Ndërveprimin dhe Masat e Ndërtimit të Besimit në Azi (CICA) në kryeqytetin e tij Kazakistan, Astana.
Erdogan thekson nevojën e arritjes se paqes midis dy vendeve e cila sipas presidentit turk arrihet nëpërmjet diplomacisë. “Paqja e drejtë mund të arrihet me diplomaci.Nuk ka fitues në luftë dhe humbës në një paqe të drejtë, shtoi Erdogan.
Presidenti turk Rexhep Tajip Erdogan dhe liderët e disa shteteve të tjera, veçanërisht në Azi do të marrin pjesë në Samitin e Konferencës për Ndërveprimin dhe Masat e Ndërtimit të Besimit në Azi (CICA). Po ashtu pritet që dy presidentët ai turk dhe ai i Rusisë të zhvillojnë një takim për të diskutuar propozimet e paqes për Ukrainën ku Presidenti turk pritet të luajë një rol ndërmjetësues në arritjen e një armëpushimi në Ukrainë.
Erdogan është takuar tre herë me Putinin në tre muajt e fundit dhe ka bisedime të rregullta me presidentin ukrainas Volodymyr Zelensky. Ky i fundit ka thënë se se nuk ka asgjë për të negociuar me Vladimir Putin, i cili pretendoi aneksimin e katër rajoneve të Ukrainës në shtator, përveç Krimesë në 2014.
/rtsh.al/