"Lufte" per mbijetese ne autobuset e unazes Luljeta Ndoka

Ne nje kohe kur Shoqata e Transportit Urban kerkon me shume se dyfishimin e cmimit te biletes njeudhetimeshe, per kete lloj transporti publik, me pretendimin se jane permiresuar kushtet e autobuseve, situata paraqitet mjaft problematike. Eshte ora 10.30 kur marrim autobusin urban te Unazes, ku edhe jane bere blerjet me te medha te autobuseve te rinj dhe mbetemi tejet te zhgenjyer. Dhe me kete ndjesi, nuk ka aspak lidhje fakti se xhamat nuk jane te cjerre dhe sediljet po ashtu. Jo, aspak. Ajo qe na shqeteson ne ne cilesine e pasagjerit dhe dhjetera te tjereve (per te mos thene qindra), qe gjenden ne ate autobus, ka lidhje pikerisht me mungesen e hapesires. Si rrjedhim, me mungesen e ajrit, te mundesise per te nxjerre leket nga canta dhe te se drejtes per te pasur pak ajer te paster. "Ecni perpara, lironi dyert", ulerin fatorino. Te vetmet pergjigje qe merr ne kembim te kerkeses se tij absurde, jane disa ulerima po aq te medha nga qytetaret e nervozuar, te cilet pohojne se mund te ecin perpara vetem nese do te duhej te hipnin siper njerezve te tjere, pasi nuk kane nga te kalojne. Situata duket e ndere. Njerezit nxjerrin 30-lekeshin nga xhepi me shume pertese (dhe larg qofte, cfare reagimi do te kishin nese do t'u kerkoheshin 70 leke, aq sa kerkohet te behet bileta e autobusin urban). Ata pohojne se transporti, ne te tilla kushte, do te ishte mire qe te mos kushtonte as 10 leke. Jo vetem per faktin qe s'kane mundesi ekonomike te paguajne, porse nje xhiro ne autobuset urbane eshte lufte per mbijetese per ta. Shtyrje nga pasagjeret e tjere qe rreken te gjejne pak hapesire per veten, perballja me eren e pakendshme te te tjereve dhe aq me keq vjedhja nga xhepistet; keto jane kostot e nje qytetari qe zgjedh transportin urban per te udhetuar. Qytetaret pohojne se, pa dyshimin me te vogel, do te zgjidhnin te ecnin ne kembe nese bileta do te rritej aq sa pretendohet nga Shoqata e Transportit Urban. Nje nga problemet me te medha qe i shqeteson ata, eshte frekuenca mjaft e rralle e autobuseve. "Duhet detyrimisht qe nje autobus te jete 5 minuta larg tjetrit, ky eshte urdhri qe na eshte dhene", thote nje shofer i linjes se Unazes. Por, me e keqja eshte se pasagjeret duhet te presin me minuta te tera ne stacion qe autobusi te mbushet tej cdo kapaciteti te mundshem. "A eshte e drejte qe bileta e autobusit te rritet, nderkohe qe kushtet jane te mjerueshme?", shtrojne pyetjen qytetaret. Ata nuk presin te marrin pergjigje per pyetjet e tyre retorike, pasi gjithcka eshte mese e qarte. Kryebashkiaku Lulzim Basha tha tre dite me pare se, vendimi qe do te merret do te jete ne favor te qytetareve dhe se do te aplikohen politika lehtesuese per te moshuarit mbi 65 vjec dhe studentet.

Shoqata e Transportit: Te rritet cmimi i biletave

Javen e shkuar, operatoret e sherbimit te transportit urban ne Tirane kerkuan qe cmimi i nje bilete njeudhetimeshe te rritet nga 30 leke, qe eshte aktualisht, ne 70 leke. Nje kerkese e tille argumentohet me faktin qe jane permiresuar kushtet e transportit, eshte rritur cmimi i karburantit dhe nga ana tjeter, nuk eshte bere asnje subvencionim per autobuset qe ata kane blere, shumica me kilometrazh zero. Bashkia e Tiranes nuk ka dhene nje pergjigje ne lidhje me kete kerkese, porse ka deklaruar se do te behet nje studim nga eksperte te pavarur.