Matura 2012, rivleresim testesh pas ankimimeve Luljeta Ndoka

Sivjet pritet qe te rivleresohen testet, nese rezulton se ato jane vleresuar gabim ne fazen e pare. Lajmin e bejne te ditur specialiste te Ministrise se Arsimit dhe Shkences, te cilet shprehen se po shikohet mundesia qe maturantet te kene te drejte te marrin nje vleresim te dyte, nese vertetohet se nuk kane marre noten e merituar. Megjithate, te njejtet specialiste, pothuaj e perjashtojne kete mundesi nisur nga fakti se nje test kalon neper disa duar vleresuesish. Per disa vite me radhe, ne rregulloret e Matures Shteterore, nuk parashikohej qe maturantet te kishin te drejte qe te ankimonin rezultatin e asnjerit prej provimeve te Matures Shteterore. Ne rregulloren e vitit te kaluar, por edhe te viteve te meparshem, nuk ekzistonte asnje fjale e ngjashme me "ankimim" apo "apelim", cka do te thote se nuk ishte parashikuar fare nje gje e tille. Burime nga Ministria e Arsimit dhe Shkences bejne te ditur se rregullorja e sivjetshme pritet te reflektoje nje ndryshim ne kete pike. Nese sheh me vemendje rregulloren e Matures Shteterore 2011, syri nuk te kap per asnje moment ndonje nen, ku te flitet per te drejten e ankimimit te rezultateve te provimeve nga ana e maturanteve. Nje gje e tille i ka merzitur ata, duke bere qe te dilnin edhe ne protesta, kur pretendonin se rezultati nuk ishte i merituar. Qe nga fillimi i procesit te Matures shteterore ne vitin 2006, vetem 3 vjet me pare, maturantet paten mundesi te ndryshojne rezultatin. E drejta e apelimit te notes ka qene e pranishme ne te gjitha vitet, por pa te drejten e ndryshimit te rezultatit. Ne maturat e viteve te kaluara, maturantet paguanin 400 leke per terheqjen e testit dhe ankimimin e tyre, por nuk parashikohej ndryshim rezultati, edhe nese vertetohej se ankuesi kishte te drejte. Por, ne Maturen Shteterore te 3 viteve me pare, maturantet kishin te drejte te kerkonin ndryshimin e rezultatit (ne rastet kur vleresimi i testit ishte bere gabim), kundrejt nje pagese prej 1200 lekesh. Heqja e te drejtes per ankimimin e rezultatit u be me argumentin se i eshte kushtuar me shume rendesi vleresimit te testeve. Neni 58, pika 12, i rregullores se vjetshme, percaktonte se "Cdo pyetje e testit i nenshtrohet nje vleresimi te dyfishte, te pavarur nga njeri-tjetri". Ne te njejtin vend thuhet se vleresuesit, pasi marrin ne dorezim testet, konfirmojne saktesine e tyre dhe bejne kodifikimin me numra arabe, pavaresisht nga barkodi dhe pa e demtuar ate. Vleresuesit mund te bejne shenime ne test, por vleresimet per cdo pyetje i pasqyrojne ne formularet perkates.

Korrigjimi

Procedurat "shtrenguese" per te shmangur gabimet ne vleresim

Sipas rregullores se Matures Shteterore, testet e provimit te matures vleresohen nga vleresues te jashtem. Vleresimet me pike per cdo kerkese te testit i pasqyrojne ne formularet perkates. Rakordimi i vleresimeve te dy vleresuesve te pavarur behet ne fund te cdo dite vleresimi. Ne rastet kur ka mosperputhje te vleresimit midis dy vleresuesve, pergjegjesi i vleresimit, aktivizon nje vleresues te trete per te kryer vleresimin perfundimtar. Ne kete rast, pergjegjesi i vleresimit firmos ne tabelen e vleresimit te testit se bashku me vleresuesin e trete. Pas vleresimit perfundimtar, piket per cdo kerkese te testit pasqyrohen ne tabelen permbledhese ne faqen e pare te testbroshures dhe firmosen nga te gjithe vleresuesit e testit.