Luis Enrike: Orari i ndeshjes ishte i mirë për tifozët, por vuajnë lojtarët!

Pas fitores 4-0 përballë Atletiko Madrid, Luis Enrike doli përpara gazetarëve për të komentuar ndeshjen dhe disa aspekte, të cilat sipas tij kanë kushtëzuar duelin e mbajtur në Pasadena.

“Dukej qartë se ndeshja ishte e kushtëzuar shumë prej kusheteve atmosferike. Orari i fillimit të këtij dueli ishte i duhuri për sportdashësit në Europë, por mendoj se lojtarët po vuajnë”, komentoi trajneri spanjoll i PSG-së. Ndeshja në fjalë u luajt në orën 12:00 ndërsa temperaturat arritën deri në 32 gradë celcius ndërsa lagështia ishte gati 60%.

“Po mësohemi që të luajmë në këto orare edhe pse asnjë ekip në Europian nuk është mësuar të luajë në të tilla temperatura”, tha Markos Jorente.