Lule dhe drekë në lokal, ja si u festua 8 marsi

Festimi i 8 marsit si çdo vit urohet me dhurata të cilat janë të përhershme si lulet, darkat apo varse floriri. Sot në rrugët e Tiranës shihje njerëz me lule në duar të cilët do t'ia dhuronin njerëzve të dashur. Lulet kanë qenë kështu dhurata më e preferuar dhe ishin ato që e bënin më prezente atmosferën e festës edhe pse mot ishte i keq.

8 marsi njihet si "Dita e Gruas", në të gjithë botën. Madje në shtete të ndryshme kjo ditë festohet si festë kombëtare. Kjo ditë shërben jo vetëm për bashkimin e grave pa dallim feje, race, kulture, gjuhe dhe prejardhjeje, por edhe për të kujtuar përpjekjet për barazi, paqe, drejtësi dhe ndërtim në gati 9-të dekadave.