Lyerja e duarve me gjak Nga Sunny Hundal*

Me t’u publikuar dokumentet per Afganistanin ne WikiLeaks, u be e qarte se skeptiket e zakonshem do te fillojne ta sulmojne lajmetarin e jo te diskutojne per lajmin. Disa kolumniste ishin me te shpejte ne shkrepje, duke konkluduar se WikiLeaks po e demtonte luften ne Afganistan. Tani, retorika ka arritur ne nivele absurde. Sekretari i Mbrojtjes i SHBA’ve tha se themeluesi WikiLeaks, Julian Assange, i kishte “perlyer duart me gjak", gazetaret e Fox News e quajten "organizate terroriste", kurse njeri nga kolumnistet e Washington Post e konsideroi "ndermarrje kriminale". Ish-fjalimshkruesi i Presidentit Bush, i cili me pare e kishte arsyetuar torturen me uje, tha se donte ta mbyllte kete web faqe dhe ta sillte Assange "para drejtesise" ne cilendo menyre. Nje redaktor i WikiLeaks u mor ne pyetje nga policia kufitare e SHBA-ve.
Nese kjo ju duket befasi, atehere nuk i njihni mire mendjet e prishura dhe hipokrite te neokonservatoreve. Por, kesaj ceshtjeje do t’i kthehem pas pak.
Te jem i qarte, gjithmone e kam mbeshtetur luften ne Afganistan (por jo ate ne Irak), dhe mendoj se talibanet jane nder grupet me diabolike terroriste ne bote.
Por, rasti kunder WikiLeaks nuk e meriton kete hetim kaq te madh. A i ka rrezikuar ky veprim jetet e afganevee Kjo eshte e besueshme vetem nese mendoni se talibaneve iu mungojne shenjestrat dhe nuk kane informatore. Keto dokumente tashme kane qene ne dispozicion te cdo ushtari dhe kontraktuesi ne Afganistan.
A e dini kush i ka rrezikuar jetet e afganevee Forcat e NATO-s, per te cilat eshte zbuluar se qellimisht i kane fshehur shume raste te viktimave civile. Ne qofte se do ta diskutonim fshehjen e vdekjes se disa britanikeve, do te kishte pasuar reagimi i dhunshem (me arsye). Por, per shkak se ata jane afgane, establishmenti ushtarak mund te shpetoje duke u perpjekur ta fokusoje vemendjen ne lajmetarin e deshtimeve te tyre.
Ka kohe qe ketyre njerezve iu eshte bere e qarte se zvogelimi i viktimave civile ne Afganistan mund te ndikoje gjithashtu ne zvogelimin e sulmeve ndaj ushtareve amerikane. Eh, kush do ta kishte menduare
Ashiqare, ketu kemi te bejme me nje ceshtje me te madhe: me paturpesine mendjeturbulluese te levizjes neokonservatore amerikane dhe qasjen e tyre hipokrite ndaj marredhenieve te brendshme e te jashtme.
Ne njeren ane, ata ne menyre histerike pretendojne se Barack Obama eshte duke e shkelur Kushtetuten amerikane, por nga ana tjeter me qellim nuk e respektojne pjesen e Kushtetutes ku flitet per lirine e praktikimit te fese, pasi e kundershtojne ndertimin e xhamive te reja. Ata duan t’i mbrojne lirite qytetare dhe lirine e shtypit kur myslimanet jane ata te cileve iu kerkohet te iluminohen (rasti i karikaturave daneze), por nuk mund ta durojne mbrojtjen e te drejtave te njejta kur behet fjale per ata (Tariq Ramadan, "Literatura e Urrejtjes", grupet myslimane si Hizb-ut-Tahrir, ndalimi i perces).
Kundershtimet e ashpra standarde jane se keta njerez po e kercenojne ekzistencen tone, keshtu qe duhet te behen perjashtime. Por, jo vetem qe pretendimet per ndryshimin e struktures demografike te Europes nuk jane te sakta, por e tradhtojne ate lloj relativizmi moral per te cilin ata gjithmone i akuzojne kundershtaret e tyre. Sic kam treguar me larte, vlerat e iluminizmit dhe lirite qytetare te cilat keta injorante duan qe te mbrohen nga Perendimi, ferfellohen menjane ne castin kur kercenohen interesat e tyre.
Nuk e di nese eshte e mundshme te stabilizohet Afganistani nepermjet forcave te NATO-s. E di se talibanet nuk e duan stabilizimin, por vetem kontrollin e plote dhe te pergjakshem.
Por ne, publiku, meritojme ta dime te verteten per ate qe po behet ne emrin tone, dhe jo vetem per arsye se po i financojme keto luftera te cilat perfshijne ushtare nga shoqerite tona. Ishte mungesa e transparences ajo qe na dergoi ne Irak dhe e destabilizoi Afganistanin edhe me shume.
Tash, pyetja nuk duhet te shtrohet nese WikiLeaks e ka destabilizuar Afganistanin, por pse ketyre njerezve, te cilet na shtyne ne fatkeqesite me te medha te politikes se jashtme te kesaj gjenerate, ende iu kushtohet vemendje.