MI5 s’e ka fshehur torturimin e Mohamedit

Shefi i shërbimit të brendshëm sekret britanik, Jonathan Evans, ka mbrojtur fuqishëm shërbimin MI5 ndaj akuzave se ka fshehur torturimin e të dyshuarve për terrorizim, që mbaheshin nga Shtetet e Bashkuara.

Evans deklaroi të premten se shërbimi i tij ishte e hapur për llogaridhënie dhe se operonte brenda ligjit.

Sipas tij, akuzat për përfshirje në torturim do të mund të përdoreshin nga ekstremistët si propagandë antibritanike.

Ministri i Jashtëm, David Miliband dhe ai i Brendshëm, Aaan Johnson, akuzat ndaj MI5 britanik po ashtu i kanë cilësuar si të turpshme dhe krejtësisht të pavërteta.