"MJAFT!" shet 3 buke per 100 leke
Nje numer i konsiderueshem banoresh te Tiranes u afruan dje ne bulevardin prane kryeministrise duke u ndjellur nga "oferta" e levizjes "MJAFT!" e cila shiti ne menyre simbolike buke me cmim me te lire nga tregu. "Hajde buke 50 leke copa dhe tre cope 10 leke", - ishin thirrjet e aktivisteve te "MJAFT!". Me disa kuti kartoni te mbushura me buke, aktivistet ofruan cmimet e lira ne shenje proteste ndaj qeverise per mosperballimin e shtrenjtimit. Ketu kane perfituar qytetaret. Disa dhjetera syresh, u afruan dhe blene buke me cmimet e lira te "ofertes" "MJAFT!".
Aktivistet e levizjes zgjodhen bulevardin perpara Keshillit te Ministrave per te shitur buket me nje cmim te pergjysmuar nga ai qe tregtohet sot buka. "Ky eshte kendi i Subvencionimit te shtetit", shkruhej ne nje pankarte qe aktivistet e "MJAFT!"-it mbanin teksa shisnin buke me cmim te lire. "Kjo ishte menyra qe levizja "MJAFT!" zgjodhi per te protestuar kunder indiferences se qeverise perballe cmimeve tejet te larta te produkteve ushqimore e sidomos te bukes", - u shprehen aktivistet. Ata qartesuan se levizja, se bashku me Konfederaten e Sindikatave te Shqiperise, me ish Ushtaraket, me shoqaten e Invalideve te Punes, me pensionistet dhe grupe te tjera te shoqerise civile "do te protestojne ne oren 12.00 te se henes ne sheshin "Skenderbej" kunder rritjes se cmimeve". Ata shtuan se pas grumbullimit ne shesh, do te marshojne drejt kryeministrise. F.M