MSH: PS po përdor jetën e qytetarëve për të fituar vota

Reagimi i Ministrisë pas deklaratave të Ramës nga Spitali Ushtarak

Shëndeti dhe jeta e qytetarit po përdoret politikisht me qëllimin për të fituar vota. Ministria e Shëndetësisë, nëpërmjet zëdhënëses Alisa Demollari ka reaguar për deklaratat e kryesocialistit Edi Rama, të bëra një ditë më parë nga Spitali Ushtarak.
“Është e turpshme që jeta e qytetarit të thjeshtë të përkthehet në votë. Partitë opozitare duhet të shohin përtej 23 qershorit, pasi jeta e qytetarit nuk ka ngjyra politike”-deklaroi ajo.
Shefi i selisë rozë u shpreh se masterplanet në këtë spital nuk vihen në zbatim me qëllim krijimin e situatave të përshtatshme për abuzime dhe korrupsion.